PERMIT SA COMMUNITY PANTRY (Binawi ng DILG)

BINAWI ni Department of Interior and Local Government (DILG) Undersecretary for Barangay Affairs Martin Diño ang una nitong pahayag na kailangang may permit mula sa mga  lokal na pamahalaan ang sinumang magtatayo ng ‘community pantry.’

Sabi ni Diño,  matapos lumabas ang ulat na umano’y dapat may permiso mula sa City Hall, munisipyo at barangay ang pagtatayo ng community pantry.

Ayon kay Diño, hindi na kailangang kumuha ng permit kundi koordinasyon na lamang ang dapat gawin sa paglalagay ng community pantry upang mapanatili ang health protocols sa kani-kanilang mga lugar na nais magsagawa ng bayanihan.

Dapat din aniya na maging responsable ang mga  organizer ng community pantry sa kanilang proyekto upang maiwasan ang anumang hawaan ng COVID-19.

“I think now they need [a] permit from the local, mayor, or the barangay. Una, paisa-isa lang ‘yan. Ngayon kaso dinumog na ng tao, ibig sabihin wala nang kontrol pati yung protocol ngayon ay na-violate na,” batay sa naunang pahayag ng DILG official pero agad din niya itong binawi. EVELYN GARCIA

Related posts:

LIBO LIBONG CONTACT TRACER NAI-DEPLOY NG DILG SA MGA LGU PAGLABAG SA HEALTH PROTOCOLS NI PANELO ISOLATED INCIDENT LANG DILG: WALANG TRAVEL BAN (Sa mga bansang may bagong COVID-19 strain) PAGBUHAY NG ‘PEACE TALKS’ SA CPP-NPA-NDF, TINUTULAN NG DILG COMMUNITY PANTRY SUPORTADO NG PALASYO COMMUNITY PANTRY NG PHILIPPINE CHRISTIAN UNIVERSITY UMARANGKADA NA DILG SA MGA POLITIKO: PAGPUPULONG IWASAN MUNA POLITICIANS NA SANGKOT SA KARAHASAN SA MEDIA, MANANAGOT-DILG