PH HOSTING SA FIBA ASIA CUP QUALIFIERS SA CLARK APRUB SA IATF

PINAYAGAN na ng Inter-Agency Task Force for Emerging Infectious Diseases ang Samahang Basketbol ng Pilipinas na i-host ang final window ng 2021 FIBA Asia Cup Qualifiers sa Hunyo sa ilallm ng isang bubble setup.

Sa isang press briefing, kinumpirma ni Presidential spokesperson Harry Roque na binigyan na ng ‘go signal’ ng IATF ang SBP para idaos ang mga laro sa Clark City, kung saan maglalaro ang mga player mula sa 12 bansa, kabilang ang Filipinas.

“The IATF has approved the request of Samahang Basketbol ng Pilipinas to host international basketball or the FIBA Asia Cup Cup Qualifiers in June 2021 under a bubble-type in Clark, Pampanga,” ayon kay Roque.

Iho-host ng Filipinas ang Groups A, B, at C sa torneo na nakatakda sa June 16-20.

Ang Group A ay binubuo ng Filipinas, Korea, Thailand, at Indonesia habang ang Group B ay kinabibilangan ng Chinese Taipei, Japan, Malaysia, at China.

Nasa Group C naman ang Australia, New Zealand, Guam, at Hong Kong.

Bukod sa Filipinas, magiging hosts din ang Jordan sa qualifying tournament para sa Group E na binubuo ng Iran, Syria, Saudi Arabia, at  Qatar, at Group F ng   Kazakhstan, Palestine, Sri Lanka, at Jordan.

Ang Jordan window ay gaganapin sa June 12-14.

Dalawang beses na makakasagupa ng Filipinas ang Korea at isang beses ang Indonesia. Kailangan lamang ng mga Pinoy ng isang panalo para umabante.  CLYDE MARIANO

Related posts:

PBA: TEAM PRACTICE APRUB SA IATF PSC NAG-DONATE NG LAPTOPS SA IATF IATF PROTOCOLS SA COMBAT SPORTS INILABAS GILAS SASABAK SA NOVEMBER WINDOW NG FIBA ASIA CUP QUALIFIERS SA BAHRAIN SOUTH KOREA ‘OUT’ SA NOVEMBER WINDOW NG FIBA ASIA CUP QUALIFIERS FIBA ASIA CUP QUALIFIERS BUBBLE KASADO NA (Sa February window ng 2021 FIBA Asia Cup qualifiers) SOTTO LALARO PARA SA GILAS PAG-HOST NG PH SA FIBA ASIA CUP QUALIFIERS ‘DI NA TULOY