“Bakit pataas nang pataas ang kontribusyon sa PhilHealth? Ano naman ang plano niyo sa aming benepisyo?”
– Dennis
Makati City
Dennis, magandang araw sa ‘yo! Ang adjustments sa kontribusyon ngayong 2024 ay huli na ayon sa nakasaad sa Universal Health Care Law ng 2019. Ito ay para masigurong may sapat na kakayahan ang PhilHealth para tustusan ang pangangailangang medikal ng bawat Filipino.
Katunayan, patuloy ang PhilHealth sa pagpapabuti ng mga benepisyo nito. Lalo naming pinaigting ang pagpapatupad ng PhilHealth Konsultasyong Sulit at Tama o Konsulta. Ito ang primary care benefit ng PhilHealth na naglalayong mapanatili ang kalusugan ng bawat isa o maagang matugunan ang pangangailangang medikal sa pamamagitan ng preventive care, kasama ang laboratory at diagnostic exam, health risk assessment, at marami pang iba.
Sa ganitong paraan, maaari nating maiwasan ang mga sakit o ma-detect ng maaga ang mga ito para hindi na lumala. Libre rin ang ilang piling gamot sa Konsulta tulad ng gamot sa diabetes, high blood, asthma, at marami pang iba.
Bukod sa primary care, sinimulan na namin ang pagdagdag sa halaga ng benepisyo para sa ilang inpatient cases. Ang tinutukoy namin ay ang coverage para sa ischemic at hemorrhagic stroke gayundin ang pneumonia high-risk na ilan sa mga pinakamalimit na pinapasang claim sa amin.
Alam nating mahal ang gamutan para sa mga kasong ito, kaya naman inangat namin sa P76,000 ang halaga ng benepisyo para sa ischemic stroke mula sa 28,000. Naging P80,000 naman ang coverage para sa hemorrhagic stroke mula sa dating P38,000. Samatala, ay naging P90,100 ang coverage sa pneumonia high-risk mula sa dating pakete na P32,000.
Hindi lang iyon, Simula 2023, 156 sessions na ng hemodialysis ang sagot ng inyong PhilHealth mula sa 90! Ito ay para tugunan ang matagalang gamutan ng ating mga kababayang mayroong Chronic Kidney Disease Stage 5 o CKD5. Batid naming kailangan nila ng tatlong sesyon kada linggo. Sa pinalawig na benepisyo, siguradong hindi na sila mangangamba buong taon.
Dennis, baka hindi mo pa nababalitaan, inilunsad na rin namin ang Outpatient Mental Health Benefits Package dahil isa sa suliranin ng mga Filipino sa ngayon ang mental health. Mula P9,000 hanggang P16,000 ang coverage ng PhilHealth kada taon sa general at specialty mental health care. Patuloy ang panawagan natin sa mga pasilidad na magpa-accredit na sa PhilHealth para makapagbigay ng seribsyo sa mga nangangailangan nating kababayan.
Lahat ng ito, Dennis, ay sinimulan na namin bagama’t nagkaroon ng suspensyon sa premium adjustments sa nakaraang taon. Patuloy naming palalakasin ang aming coverage ngayong 2024. Abangan mo ang mga susunod pa naming benefit enhancements, Dennis! Agad naming isi-share ang mga ito sa inyo. Stay tuned!
BALITANG REHIYON
Para sa inyong mga katanungan, kumento, at suhestiyon, tumawag sa aming
Hotline No. (02) 8662-2588 available 24/7.
Maaari ring tumawag o mag text sa aming Mobile Hotlines 24/7
Smart: 0998-857-2957 │0968-865-4670
Globe: 0917-127-5987 │ 0917-110-9812
Para mag request ng Callback sa napiling numero, text “PHICallback <space> Mobile no. na tatawagan <space> detalye ng concern” Schedule ng Callback simula 8am – 8pm
Pwede ring magpadala ng e-mail sa [email protected]. I-follow kami sa Facebook (PhilHealthOfficial) at Twitter (@teamphilhealth) para sa updates tungkol sa NHIP. Panoorin ang mga videos namin sa YouTube at mag-subscribe sa aming Channel (youtube.com/@teamphilhealth).
Related posts:
BENEPISYO AT SERBISYONG PHILHEALTH, DAPAT ALAM MO!
Usapang kontribusyon at paggamit ng benepisyo ng mga bagong rehistrado
Benepisyo para sa Caesarean Section na panganganak; saan pwedeng manganak kung lagpas 35-anyos na si Nanay.
Na-confine muli para sa parehong sakit, magagamit pa ba ang benepisyong PhilHealth? Benepisyo, madaling malaman sa PhilHealth case rates app
Ligtas pa ba ang impormasyon ko sa PhilHealth? Kung naka-down ang system ng PhilHealth, makagagamit pa rin ba ko ng benepisyo?
Totoo bang hindi binulsa ng PhilHealth ang P15-B? Bakit ba kayo nalusutan ng Medusa? Hindi ba kayo magbabayad sa kanila para matiyak na ligtas ang mga impormasyon namin?
Kailan maibabalik sa normal ang operasyon ng PhilHealth? Mensahe ng pasasalamat sa PhilHealth mula sa isang dialysis patient
Outpatient Mental Health Benefit Package