MASAYA si coach Tim Cone na napanatili ng Barangay Ginebra ang korona sa PBA Governors’ Cup.
Subalit mas masarap, aniya, ang pakiramdam kung mababawi ng Kings ang Philippine Cup championship sa darating na season.
“I’d like to see Ginebra win the All-Filipino,” wika ni Cone. “I think that’s the one we all, LA (Tenorio) always talks about.”
Nabigo ang Kings na maidepensa ang itinuturing nitong crown jewel ng liga noong nakaraang taon makaraang sibakin sa first round ng playoffs ng eventual champion TNT Tropang Giga.
Nakopo ng Ginebra ang unang Philippine Cup title nito sa loob ng mahigit isang dekada noong 2020 sa kauna-unahang bubble tournament mg liga sa Clark, Pampanga.
Sinabi ni Cone na higit na magiging maganda ang pakiramdam kapag nabawi nila ang korona lalo na ngayong balik na ang live audience.
“We were able to win in the bubble and that was nice. The first bubble, we won the All-Filipino,” anang 63-year-old champion coach.
“But we’d like to win the All-Filipino in front of our fans, that’s for sure. That’s the big crown, at this point.” CLYDE MARIANO
