(Pinabubuhay at pinalalawig sa gobyerno) PANTAWID KURYENTE PROGRAM

HINILING ni Deputy Speaker Bernadette Herrera sa pamahalaan ang muling pagbuhay at pagpapalawig sa ‘Pantawid Kuryente Program’.

Partikular na nanawagan si Herrera sa Department of Social Welfare and Development (DSWD), Energy Regulatory Commission (ERC), National Electrification Administration (NEA), Department of Energy (DOE) at Department of Finance (DOF).

Hirit ni Herrera, bukod sa mga ‘lifeline consumer’ o yaong mga household na kumokonsumo ng 100 kilowatts per hour pababa kada buwan ay isama na rin sa Pantawid Kuryente Program ang mga may konsumo ng koryente na 200 kwh pababa kada buwan.

Ito, aniya, ay upang maibsan ang financial crisis na kinakaharap ng mga consumer sa Metro Manila at iba pang lugar na nasa ilalim ng modified enhanced community quarantine (MECQ).

Anang kongresista, maaaring ibigay ang diskwento sa koryente sa pamamagitan ng electronic vouchers na direktang ipadadala sa account ng consumers sa MECQ areas.

Ayon kay Herrera, maaaring bigyan ng isang buwang 100% discount ang mga consumer na may bill na 50 kwh per month; 75% naman sa mga kumokonsumo ng  100 kwh kada buwan; 50% sa 150 kwh per month; at 25% sa mga kumokonsumo ng 200 kwh kada buwan.

Maaari rin aniyang magtakda ang DOF ng iba’t ibang scale ng diskwento sa koryente depende sa available na pondo ng pamahalaan.

Dagdag pa ni Herrera, maging ang LGU ay maaaring magbigay ng ayuda sa mga constituent sa pamamagitan ng electricity electronic vouchers mula P500 hanggang P2,000 depende pa rin sa available na pondo ng lokal na pamahalaan. CONDE BATAC

Related posts:

(Inirekomenda ng ERC sa susunod na administrasyon) PAGGAMIT NG NUCLEAR ENERGY (Posible sa Hulyo) BAWAS-SINGIL SA KORYENTE (Ngayong Hulyo) SINGIL SA KORYENTE BABABA (Ipinagkaloob ng NEA) P560.6-M PAUTANG SA ELECTRIC COOPS MAS MABABANG SINGIL SA KURYENTE NG MERALCO AT PATULOY NA PAGPAPABUTI NG SERBISYO BAGONG VERMOSA SOUTH SUBSTATION NG MERALCO BAGSAK PRESYO NG MERALCO INANUNSIYO GUMAMIT NG ENERGY EFFICIENT NA GAMIT SA BAHAY