PINAGBUTING BENEPISYO SA 2024!

PILIPINO Mirror

“PATAAS nang pataas mga gastusin simula sa pagkain, kuryente, at tubig, pati na rin pagpapaospital. Tataasan ba ng PhilHealth ang mga benepisyo nito?”

– Danilo, 59-anyos, Nagcarlan, Laguna

Danilo, ang mabuti naming balita sa lahat ng Filipino ay ang mga pinagbuting Case Rate Packages sa taong 2024. Hindi namin papa­yagang maghirap ang mga kababayan natin sa pagpapagamot ng kanilang karamdaman. Promise ‘yan.

Para maibsan ang out-of-pocket expenses o iyong paluluwalan ng pasyente, iyong hal­agang hindi na-cover ng PhilHealth benefits, tataasan namin nang hanggang 30% ang mga kasalukuyang benepisyo sa ilalim ng Case Rates. Sabi nga ng aming President at CEO, Emmanuel Ledesma, Jr., “Dapat ramdam ng mga kababayan natin ang benepisyo nila sa PhilHealth.”

Kung matatandaan mo, Danilo, 2013 pa namin sinimulan ang pagbabayad gamit ang Case Rates, kung saan fixed amount ang ibinabayad ng PhilHealth sa inpatient at outpatient care. Dahil sa nakaambang pagtaas ng benepisyo, siguradong hindi tayo kakaba-kaba sa tuwing kailangan nat­ing magpagamot.

Katunayan, sinimulan na namin ang pagtataas ng halaga ng ilang benepisyo. Mula sa dating P28,000 ay P76,000 na ang coverage para sa ischemic stroke; at P80,000 na ang sagot namin sa hemorrhag­ic stroke mula sa P38,000.

Danilo, kung hindi mo pa nababalitaan ay pinalawig na rin namin mula 90 sessions hanggang 156 sessions kada taon ang sasa­gutin ng PhilHealth para sa hemodialysis ng mga pasyenteng may Chronic Kidney Disease Stage 5. Kasunod nito, inilunsad namin ang Outpatient Mental Health Ben­efits Package na aabot ng P16,000 kada taon.

Iyan naman ang hangarin namin, lalo pa at nakatakda sa Universal Health Care Law ang pagpapabuti ng mga benepisyo sa ilalim ng National Health Insurance Program. Kaya naman hinihikayat namin ang mga hindi pa miyembro na magpare­histro na sa PhilHealth para maSEGURO ang kanilang kalusugan at mabigyan ng ka­lakasang pinansyal sa pagpapagamot.

Iyon lang muna, Danilo. Sana ay patu­loy mong suportahan ang PhilHealth!

BALITANG REHIYON

Iginawad ni PhilHealth President at Chief Executive Officer Emmanuel R. Ledesma, Jr. kay Bataan Governor Jose Enrique “Joet” S. Garcia III ang mahigit Php114M bilang First tranche ng front load capitation fund para sa pagsusulong ng Bataan Primary Care Provider Network Konsulta Sandbox.

Para sa inyong mga katanungan, kumento, at suhestiyon, mag-text sa aming Callback Channel: 0917-8987442. Text PHICcallback <space> Mobile o Metro Manila Landline num­ber <space> detalye ng concern.

Pwede ring magpadala ng e-mail sa [email protected]. I-follow kami sa Facebook (PhilHealthOfficial) at Twitter (@teamphilhealth) para sa updates tungkol sa NHIP. Panoorin ang mga videos namin sa YouTube at mag-subscribe sa aming Channel (youtube.com/@teamphilhealth).

Related posts:

BENEPISYO AT SERBISYONG PHILHEALTH, DAPAT ALAM MO! Usapang kontribusyon at paggamit ng benepisyo ng mga bagong rehistrado Pagpapatuloy ng kontribusyon ng isang senior citizen; paraan ng paggamit ng 156 sessions ng hemodialysis. Pagbabayad ng claims sa mga ospital; at umento sa sweldo ayon sa mga regulasyon. Benepisyo para sa Caesarean Section na panganganak; saan pwedeng manganak kung lagpas 35-anyos na si Nanay. Na-confine muli para sa parehong sakit, magagamit pa ba ang benepisyong PhilHealth? Benepisyo, madaling malaman sa PhilHealth case rates app Ligtas pa ba ang impormasyon ko sa PhilHealth? Kung naka-down ang system ng PhilHealth, makagagamit pa rin ba ko ng benepisyo? Benepisyong PhilHealth para sa Chronic Kidney Disease Stage 5, Alamin at Gamitin!