(Pinamamadali sa DILG) P1K SUBSIDY SA SOLO PARENTS

UMAPELA si Gabriela Party-list Rep. Arlene Brosas sa Department of the Interior and Local Government (DILG) na agad na magpalabas ng kinauukulang memorandum order para maisagawa na ang pamamahagi ng P1,000 monthly subsidy para sa solo parents.

Ginawa ng lady solon ang panawagan matapos na ituro ng Department of Social Welfare and Development (DSWD) ang DILG na siya umanong dahilan kung kaya hindi pa rin ganap na naipatutupad ang itinatakda ng Expanded Solo Parents Welfare Act, partikular ang nasabing buwanang tulong pinansiyal.

“It is concerning that almost a year after the implementing rules and regulations were signed, the DILG has yet to issue the necessary guidelines for the distribution of the P1,000 additional benefit to solo parents. This is a long-overdue measure that should have been implemented already,” dismayadong pahayag ni Brosas.

“It is the right of solo parents to receive this subsidy from the government, especially during these difficult times. The amount may seem small, but it can make a significant difference in the lives of solo parents who are struggling to make ends meet,” pagbibigay-diin ng Gabriela Women’s Party lawmaker.

Nais ni Brosas na ipaliwanag ng DILG kung bakit hindi pa ito nakapag-iisyu ng memoran- dum order at iginiit na ang patuloy na pagkaantala sa pamamahagi ng financial subsidy sa solo parents ay nangangahulugan ng kabiguan ng kagawaran na paglingkran ang mga lubos na nangangailangan ng tulong mula sa pamahalaan. “We urge the DILG to prioritize the issuance of the memo and ensure that solo parents receive the support they rightfully deserve. We will continue to monitor this matter and push for the immediate implementation of the P1,000 subsidy for solo parents,” sabi pa ng kongresista na kasapi ng Makabayan bloc sa Kamara.

-ROMER R. BUTUYAN