MAAARI nang gamitin ng lahat ng Regional Offices, District Engineering Offices at Unified Project Management Office Clusters ng Department of Public Works and Highways (DPWH) ang mga dinurog na plastik na basura upang lumikha ng mas matibay na mga national roads sa bansa.
Kamakailan ay nilagdaan ni DPWH Secretary Manuel M. Bonoan ang Department Order No. 139, Series of 2024 na nagtatakda ng pamantayan ng Kagawaran para sa paggamit ng recycled na materyal na tinatawag na Item 310 (15) – bituminous concrete surface course na may low-density polyethylene (LDPE) plastic bag waste, hot laid.
Ayon kay Secretary Bonoan, layunin ng bagong patakarang ito na isulong ang pag-recycle ng LDPE plastic bag waste sa pamamagitan ng pagdurog at paggamit nito bilang dagdag na materyal upang mabawasan ang posibilidad ng permanenteng deformasyon ng bituminous concrete surface course o asphalt concrete.
“This development is in line with the continuing efforts of the Department to support sustainable engineering and upgrade construction technology through adoption of successful research studies” ayon kay Bonoan.
Ang paggamit ng LDPE plastic bag waste sa asphalt cement mix ay matagumpay na nakapasa sa mga pagsusuri at pamantayan na itinakda ng DPWH Bureau of Research and Standards.
RUBEN FUENTES
Related posts:
WESTERN SECTION NG SLEX ISASARA MULA MAY 28-JUNE 9
DPWH, VILLAR GROUP OF COMPANIES COMPLETES FIRST MOBILE QUARANTINE FACILITY AT CCP COMPLEX
BIG-TICKET INFRA PROJECTS MALAPIT NANG MATAPOS – DPWH
Anna Mae Yu Lamentillo Highlights the Transformation of Metro Manila’s Transportation in Prestigious LSE Review
(Pinag-aaralan ng MMC) ADJUSTED MALL HOURS SA METRO
(Solusyon sa mainit na panahon) IPATATAYONG CLASSROOMS GAWING HEAT-RESISTANT
DPWH personnel install tarpaulins for the national flag day along Padre Burgos Avenue