TINAPOS na ng Senate Committee on Finance ang deliberasyon sa panukalang P5.768 trilyon na national budget para sa susunod na taon.
Ayon kay Senate President Juan Miguel Zubiri, bandang alas-4:42 ng madaling araw kahapon nang matapos ang deliberasyon sa plenaryo ng 2024 national budget makaraan ang dalawang linggong marathon sessions .
Nagsimula ang deliberasyon sa budget noong unang linggo ng buwan kung saan ang isa sa highlights nito ay ang pag-alis sa confidential funds ng Office of the President (OVP) at ng Department of Education (Deped).
Nitong Lunes ay nagdesisyon din ang mga senador na i-realign ang P300. milyong confidential funds ng Department of Information and Communications Technology (DICT).
Sinabi naman ni Senador Sonny Angara, chairman ng Senate committee on Finance, na isusumite nila ang panukalang pag-amyenda sa General Appropriations Bill (GAB) ngayong linggo.
Ayon pa kay Angara, maaari namang maaprubahan sa ikalawa at ikatlong pagbasa ang panukala sa Lunes.
Maaaring aprubahan sa second at third reading sa loob ng isang araw ang panukala kapag ito ay sinertipikahang urgent ng Pangulo. LIZA SORIANO
Related posts:
PANUKALANG BUDGET NG HUDIKATURA PARA SA SUSUNOD NA TAON SUPORTADO NG SENADO
(Iginiit para hindi mangibang bansa)TAAS-SAHOD SA MGA NURSE
2024 PROPOSED NATIONAL BUDGET SAGOT SA MGA PANGUNAHING SULIRANIN NG BANSA
(Tutukan ng Kamara) PAG-APRUBA SA 2024 NAT’L BUDGET, IBA PANG PRIORITY MEASURES
(Itinutulak sa Senado) DAGDAG-PONDO SA LITERACY, EDUC SURVEY
BUDGET NG COMELEC SA 2024 DINAGDAGAN NG SENADO
(Inilaan ng Senado) P1.5-B PARA SA TRAINING NG MGA GURO
(Inilaan ng Senado) P50-M PARA SA DAGDAG NA TESDA ASSESSORS