LAGUNA – NAKATAKAS sa ikalawang pagkakataon mula sa Laguna Provincial Jail (LPJ) ang pugante na si Edwin Florez Ibanez, 41- anyos habang aktong bumubuhos ang malakas na ulan bunsod ng bagyong Rolly sa Bgy. Poblacion I sa bayan ng Sta. Cruz.
Sa ulat ni LPJ Warden Norman Pinon, lumilitaw na nagawang makatakas ng suspek na si alias “Vito” noong Lunes bandang alas-3 ng madaling araw matapos umakyat sa bubungan ng piitan.
Sa talaan, nahaharap sa Qualified Rape thru Sexual Assault and Violation of RA 7610 (2 counts) ang suspek kung saan nagawa nito ang unang pagpuga noong ika-4 ng buwan ng Setyembre bandang ala-1:30 ng madaling araw.
Agad naman itong nadakip ng mga tauhan ng LPJ at miyembro ng Sta. Cruz PNP makalipas ang ilang oras sa Bgy. Masapang, Victoria, Laguna at hindi inaasahang muli itong makatakas.
Patuloy ang isinasagawang pagtugis ng mga awtoridad sa suspek na umano’y armado ng short firearm at patalim habang patungo ng hindi pa mabatid na lugar. DICK GARAY
Related posts:
PAGPUGA NG PRESO NAUDLOT SA TINGGA
2 PRESO PUMUGA SA KASAGSAGAN NG ULAN
PRESO NA NAPALAYA SA GCTA LAW SUMUKO
SUMUKONG PRISONER NA NAKA-AVAIL SA GCTA LAW UMABOT NA SA 188
PRESO TUMAKAS SA IWAHIG PENAL COLONY
PAGDALAW SA PRESO SA CAMP BAGONG DIWA BAWAL MUNA
CARNAPPING SUSPECT TINARAKAN NG KAKOSA
PRESKO PARA SA PRESO
Comments are closed.