PRESYO NG GAMOT IBABABA

LABINGWALONG multinational drug makers sa ilalim ng Pharmaceutical and Healthcare Association of the Philippines ang nag-alok na magbababa ng presyo ng kanilang mga gamot.

Ito ay kasunod ng pakikipagpulong sa kanila ni  Health Secretary Francisco Duque.

Kasama sa mga babawasan ang presyo ay  ang mga gamot sa tinatawag na rare disorders, major non-communicable diseases, at infectious diseases, pahayag ng PHAP, subalit hindi nila tinukoy kung ano-ano ang mga gamot na ito.

Nagpanukala rin ang grupo ng ‘holistic and comprehensive’ na pagtulong, partikular sa mga  may cancer,   kabilang ang diskuwento  para sa mga  laboratory test.

Maaring makakuha ang  isang  breast cancer patient  ng hanggang sa  54 porsiyentong bawas  sa  mga gamot  o libreng gamot  para sa itinakdang  treatment cycles nito.