PSE TRADING HOURS BALIK NA SA NORMAL

PILIPINO Mirror

BALIK na sa normal ang trading hours ng Philippine Stock Exchange (PSE) simula sa Marso 1 sa gitna ng patuloy na pagbaba ng COVID-19 cases.

Sa isang memorandum, sinabi ni PSE president and chief executive officer Ramon Monzon na babalik na ang local bourse sa full-day 5-hour trading schedule nito: 9 a.m. – pre-open;  9:15 a.m. – pre-open no cancel; 9:30 a.m. – market open; 12 p.m. – market recess; 1 p.m. – market resumption; 2:45 p.m. – pre-close no cancel; 2:50 p.m. – run off/trading at last;  3 p.m. – market close.

“The above schedule will be in effect until further notice,” sabi ni Monzon.

Magugunitang pinaikli ng PSE ang trading hours nito noong nakaraang buwan sa gitna ng pagsirit ng kaso ng COVID-19 dulot ng Omicron variant.

Noong Martes ay iniulat ng Department of Health (DOH) ang  1,019 bagong kaso ng COVID-19, na pinakamababang daily count ngayong taon.

Related posts:

(Simula Enero 14 dahil sa tumataas na kaso ng COVID-19) TRADING HOURS SA PSE PINAIKLI PSETRADING SINUSPINDE SEC(Kapag bumulusok ang stock market) TRADING PAUSE IKAKASA (Binayaran ng PSE-listed firms sa shareholders) P402-B CASH DIVIDENDS (Sa kabila ng COVID-19 pandemic) PH-NORWAY TRADE TIES LUMAKAS BSP(Noong Enero)$291.12-M ‘HOT MONEY’ PUMASOK SA PH FOREIGN INVESTMENTS-3(Noong Abril) $351.87-M ‘HOT MONEY’ LUMABAS NG PH