WALANG plano ang Senado na ipatawag ang Presidential Security Group (PSG) para sa pagdinig ng Senate Committee of the Whole sa Lunes kaugnay pa rin sa COVID-19 vaccines.
Ayon kay Senate Minority leader Franklin Drilon. na maaari naman silang makakuha ng mga impormasyon tungkol sa pagbabakuna mula sa ibang source.
Iginiit pa ni Drilon na mayroong karapatan si Pangulong Rodrigo Duterte na mag-invoke ng executive privilege, subalit hindi naman nangangahulugan na hindi na nila itutuloy ang kanilang trabaho na mag-imbestiga.
Sinabi pa ng minority leader na mayroon na siyang impormasyon kung paaano nakapasok sa bansa ang hindi rehistradong bakuna kontra COVID-19 ,subalit hindi na siya nagbigay pa ng ibang detalye rito.
Nilinaw naman ni Senate President Vicente Sotto III na hindi niya ipatatawag ang PSG sa pagdinig tungkol sa mga ginagawa ng gobyerno kaugnay ng COVID-19 vaccine.
Iginiit ni Sotto na wala siyang sinasabi na iimbitahan ang PSG dahil ang pagdinig umano ay tungkol sa roadmap o mga plano ng gobyerno tungkol sa pagbili, storage at distribusyon ng bakuna laban sa virus.
Nagtataka umano ang Senate president kung bakit binabago ng iba ang sentro ng pagdinig kung saan wala naman sa agenda ang tungkol sa pagpapabakuna ng PSG. LIZA SORIANO
Related posts:
PAGTUKLAS SA 2 VACCINE SA COVID NASA PHASE 3 NA
KONGKRETONG PLANO SA CLINICAL TRIALS NG COVID VACCINE
CHINA-MADE VACCINE VS COVID-19 GAGAMITIN NA NG BRAZIL
RUSSIA MALAPIT NANG MAG-SUPPLY NG COVID-19 VACCINE SA PH
DTI HIRAP MAGLABAS NG PRICE CAP SA COVID-19 VACCINE
LUGAR NA MAY PINAKAMARAMING COVID-19 CASES UUNAHIN SA VACCINE
PH ‘DI KAILANGANG MAGBAYAD NG DOBLE PARA SA COVID-19 VACCINE
90-ANYOS NA LOLA KAUNA-UNAHANG NATURUKAN NG COVID-19 VACCINE
Comments are closed.