(Publiko binalaan ng BFAR) 11 LUGAR SA VISMIN POSITIBO SA RED TIDE

MAY 11 lugar sa Visayas at Mindanao ang nananatiling positibo sa paralytic shellfish poison o toxic red tide na lagpas sa regulatory limit, ayon sa Bureau of Fisheries and Aquatic Resources (BFAR).

Sa pinakabagong shellfish bulletin, sinabi ng BFAR na ang lahat ng uri ng shellfish at acetes, na tinatawag ding alamang, na magmumula sa naturang mga lugar ay hindi ligtas kainin.

Ang mga apektadong lugar ay ang Irong-Irong Bay sa Western Samar; Cambatutay Bay sa Western Samar; Cancabato Bay, Tacloban City sa Leyte; Lianga Bay sa Surigao del Sur; Bislig Bay sa Surigao del Sur; Balite Bay, Mati City ss Davao Oriental; Murcielgaos Bay ss Zamboanga del Norte; Tambobo Bay, Siaton sa Negros Oriental; coastal waters ng Dauis at Tagbilaran City sa Bohol; coastal waters ng Calubian sa Leyte; at coastal waters ng Daram Island sa Western Samar

Ayon sa BFAR, ligtas namang kainin ang isda, pusit, hipon, at alimasag mula sa nasabing mga lugar.

“Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking,” anang ahensiya.

Nakasaad din sa bulletin ang listahan ng mga lugar na ligtas sa toxic red tide, kabilang ang coastal waters ng Zumarraga, San Pedro, Maqueda, at Villareal Bays sa Western Samar; at Carigara at Ormoc Bay sa Leyte.

Related posts:

(Publiko pinag-iingat ng BFAR) 3 LUGAR SA VISMIN POSITIBO SA RED TIDE (Publiko pinaalalahanan ng BFAR) 9 LALAWIGAN POSITIBO SA RED TIDE (Publiko pinag-iingat) 2 LUGAR SA SURIGAO POSITIBO SA RED TIDE (Publiko pinag-iingat ng BFAR) 5 LALAWIGAN POSITIBO SA RED TIDE (Publiko binalaan ng BFAR) 5 COASTAL AREAS POSITIBO SA RED TIDE 7 LUGAR SA W. VISAYAS POSITIBO SA RED TIDE 9 LUGAR POSITIBO SA RED TIDE (Publiko binalaan ng BFAR) ILANG LUGAR POSITIBO PA RIN SA RED TIDE