PUBLIKO PINAYAPA SA COVAX

PINAYAPA ng Department of Health (DOH) ang publiko na walang dapat ikabahala sa  pagpapabakuna kontra coronavirus disease (COVID-19), partikular na sa mga bakuna ng Sinovac mula China.

Ito ay sa gitna ng mga ulat na may mga nagkakaroon pa rin ng COVID-19 kahit nabakunahan na ganoon din ang  pagkasawi ng isang miyembro ng Manila Police District ilang araw matapos umanong maturukan.

Paliwanag ni Health Undersecretary Maria Rosario Vergeire, posibleng na-expose ang mga pasyente bago magpabakuna at lumabas ang sintomas pagkatapos mabakunahan.

Giit ng kalihim na walang direktang kaugnayan ang pagkakaroon ng COVID-19 sa pagbabakuna nang tanungin sa mga umano’y lumalabas na adverse effects.

“Hindi po dapat mabahala ang public regarding this matter. Kailangang maintindihan natin ang sitwasyon. Sa paga-analyze namin ng datos ng mga nagkakaroon ng COVID-19 ay nakikita po natin na the persons were already incubating during the time they were vaccinating,” ani Vergeire.

“Sila ay nag-expose at nag-manifest ang kanilang symptoms pagkatapos na mabakunahan. Pero ayon sa pag-aaral ng ating mga eksperto, walang direct link ng pagkakaroon ng COVID-19 with the vaccines that is Sinovac.”

Nabanggit sa briefing na may namatay na miyembro ng Manila Police District dahil sa COVID-19, ilang araw matapos mabakunahan ng Sinovac.

Nakatakda namang imbestigahan ng DOH ang nasabing mga  insidente.

Related posts:

(‘Wag i-single out sa pagkalat ng virus–DOH) HOT POT RESTO SA COVID-19 DOH DIRECTOR MAY COVID  COVID TESTING LAB NASA 75 HOSPITAL BED CAPACITY ITAAS SA 70% (Utos ng DOH parasa COVID patients) MGA GUMALING SA COVID, 24,502 NA DOH HOUSE TO HOUSE SA PAGHAHANAP NG MAY COVID DOH PAG-AARALAN KUNG NA-FLATTEN NA NGA ANG PANDEMIC CURVE 566 PA GUMALING SA COVID-19