MARAWI CITY – NAPATAY ang 39-anyos na bagitong pulis habang sugatan naman ang anak nito makaraang tambangan ng riding-in-tandem assassin sa bahagi ng Awar Street, Barangay Basak sa nasabing lungsod noong Huwebes ng hapon.
Kinilala ang nasawi na si Patrolman Abdul Mojib Barolbae Ditucalan, nakadestino sa Personnel and Holding and Accounting Unit ng Lanao del Sur Provincial Police Office.
Habang ginagamot naman sa Amai Pakpak Medical Center ang anak nito na si Abdul Mojib Ditucalan, Jr., 9, kapwa residente ng nasabing lungsod.
Sa ulat na nakarating kay P/Colonel Madzgani Mukaram, police director ng Lanao del Sur-PNP, nabatid na pauwi na ang mag-ama lulan ng Toyota Vios nang ratratin ng gunmen pagsapit sa nabanggit na lugar.
Isinugod naman sa nabanggit na ospital ang mag-ama subalit idineklarang patay ang pulis habang patuloy namang ginagamot ang anak nito. MHAR BASCO
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
TANDEM BUMANGGA SA PICK-UP TRUCK