CAVITE – BUMULAGTA ang 36-anyos na pulis na nakatalaga sa bayan ng Tiaong, Quezon makaraang ratratin ng apat na armadong lalaki sa harap ng kanyang bahay sa bahagi ng Brgy. Datu Esmael, Dasmarinas City sa lalawigang ito kahapon.
Kinilala ang biktima na si Police Staff Sargeant Roseman Batao y Disimban ng Gumamela Street sa nasabing barangay.
Samantalang hindi naman nakilala ang apat na lalaki na armado ng malalakas na kalibre ng baril na kaagad na tumakas.
Sa inisyal na ulat ni Patroman Roderick Bajado na naisumite sa Camp Pantaleon Garcia, lumilitaw na ginagawa ng biktima ang kanyang van sa harap ng sariling bahay nang biglang may humintong kulay gray na kotse.
Hindi naman pinansin ng biktima ang sasakyan kung saan apat na armadong lalaki ang bumaba sa sasakyan saka isinagawa ang pamamaril.
Duguang bumulagta ang biktima habang mabilis naman tumakas ang gunmen sakay ng Honda City na tumahak sa hindi na nabatid na direksyon.
Narekober sa crime scene ang mga basyo ng bala ng baril habang patuloy naman ang imbestigasyon ng pulisya. MHAR BASCO
Related posts:
LIVE-IN PARTNERS PINAGBABARIL SA KOTSE
(Misis pinababa muna sa motorsiklo) RIDER NIRATRAT NG TANDEM
(Mga salarin nagtago sa maisan) TSERMAN NIRATRAT HABANG LULAN NG VAN
DRUG USERS DINALE SA HARAP NG BAHAY
PULIS AT LGU EMPLOYEE PINAGBABARIL NANG MAMAHAGI NG CASH AID
PULIS NIRATRAT SA CHECKPOINT, 3 PA SUGATAN
RETIRADONG PULIS BINARIL HABANG NAGJO-JOGGING
P10-M AYUDA SA MGA NAULILA NG 7 PULIS NA NAMATAY SA MARAWI
Comments are closed.