(Puwedeng magtrabaho ang lahat) AYUDA ULIT IBINASURA NG PALASYO

TINANGGIHAN ng Malacañang ang panawagan na magkaloob ang pamahalaan ng ayuda na katulad noong nakaraang taon nang isailalim ang bansa sa enhanced community quarantine sa kabila ng mas mahigpit na COVID-19 policies sa Metro Manila at apat na karatig-lalawigan.

Suspendido ang operasyon ng ilang negosyo habang ang iba ay limitado sa Metro Manila at sa mga lalawigan ng Bulacan, Cavite, Laguna at Rizal, na tatawaging  “NCR Plus” hanggang Abril 4.

Ayon kay presidential spokesman Harry Roque, ang tulong lamang na matatanggap ng mga negosyo sa bubble na ito ay loans at emergency employment.

“Pero in terms of iyong sinasabi mong ayuda na gaya ng ibinigay natin sa ECQ, dahil hindi naman po natin pinipigil magtrabaho ang ating mga kababayan eh hindi na po tayo dapat magbigay ng ganoong ayuda dahil puwede pong maghanapbuhay ang lahat,” aniya sa isang press briefing.

Magugunitang na­mahagi ang gobyerno ng bilyon-bilyong cash aid sa mahihirap at walang trabaho noong nakaraang taon nang isailallm ang bansa sa ECQ.

“I understand iyong mga local governments po, iyong mga subject to localized and granular, nagbibigay po rin sila ng ayuda,” ani Roque.

Related posts:

(Ipinamahagi ng DA) AYUDA SA ASF-AFFECTED HOG RAISERS KOREA AAYUDA SA COVID-19 VAX PROGRAM NG PH (Ipagkakaloob ng DA) P852-M AYUDA SA ‘ODETTE’-HIT AGRI SECTOR (Sa ilalim ng Alert Level 3) AYUDA SA DISPLACED WORKERS PAGSUSPINDE SA FUEL EXCISE TAX, VAT PINAG-AARALAN NG PALASYO, KONGRESO (Aprub kay Duterte) P200 MONTHLY AYUDA SA MAHIHIRAP 5% SAVINGS KASYA PARA SA P10K AYUDA –CAYETANO (Palasyo kumpiyansa) SALARY HIKE SA TEACHERS