Mga laro ngayon:
(Philsports Arena)
2:30 p.m. – PetroGazz vs Creamline
5:30 p.m. – Cignal vs Chery Tiggo
BUBUHAYIN ng Creamline ang rivalry nito sa PetroGazz, habang magsasalpukan ang Chery Tiggo at Cignal sa pagsisimula ng eksplosibong Premier Volleyball League Reinforced Conference semifinals ngayon sa Philsports Arena.
Ang top-ranked team sa preliminaries, umaasa ang Cool Smashers na maduduplika ang kanilang 25-19, 16-25, 25-18, 27-25 panalo kontra Angels noong nakaraang October 18 sa 2:30 p.m. curtain raiser.
Tinalo ng Crossovers, ang No. 2 squad sa eliminations, ang HD Spikers, 25-23, 20-25, 25-21, 25-20, sa kanilang unang paghaharap noong nakaraang October 15 at umaasang makakaulit sa iba pang laro sa alas-5:30 ng hapon.
Sa maikli, single-round semifinals, ang bawat set at bawat puntos ay mahalaga sakaling magkaroon ng pagtatabla sa top two slots.Ang top two teams ay aabante sa best-of-three Finals.
Sa bigat ng mga kalaban — PetroGazz, Cignal at Chery Tiggo — determinado ang Creamline na itaas pa ang lebel ng kanilang laro upang matamo ang kanilang ultimate goal.
