REBISCO KINAPOS SA DIAMOND FOOD

MATIKAS na nakihamok ang Philippine team Rebisco laban sa Diamond Food ng Thailand bago nalasap ang  36-34, 24-26, 26-28, 25-19, 15-12 pagkatalo sa 2021 AVC Men’s Club Volleyball Championship kahapon sa Thailand.

Ang dalawang koponan ay kapwa ayaw magpatalo kung saan tatlo sa limang sets ay neck-and-neck at lumagpas sa karaniwang 25-point set.

Makaraang magtabla sa 11 sa final set, nakalapit ang Rebisco sa isang puntos lamang, 13-12, bago kinuha ng Diamond Food ang panalo.

Abante sa 14-10 sa fourth set, pinalobo ng Diamond Food ang kalamangan sa 20-14 tungo sa pagkuha sa set.

Sa set 3, naghabol ang Rebisco sa  22-17 bago kinuha ang kalamangan sa 24. Gumawa ang Diamond Food ng multiple set points, na nagpatuloy hanggang ibigay ni JP Bugaoan at ng bigong block touch challenge ang panalo sa mga Pinoy.

Abante ang Diamond Food sa set  2, 13-10, bago humabol ang Rebisco at naitabla ang talaan sa 15.

Mula rito ay nagpalitan ng set ang dalawang koponan hanggang ibigay ni Marasigan at ng foot fault ng katunggali ang second set sa Philippine team.

Sa pagkatalo ay nahulog ang Team Rebisco sa 0-4 na naglagay sa kanila sa classification match para sa 9th at 10th places sa Miyerkoles.