SIMULA kahapon ng tanghali ibinaba na ng Armed Forces of the Philippines (AFP) ang antas ng kanilang alerto dahil karamihan umano sa mga local candidate ay naiproklama na nang Commission on Election.
Ayon kay Marine Brig. Gen. Edgard Arevalo, taga pagsalita ng Hukbong Sandatahan simula alas-12:00 ng tanghali kahapon ay ibinaba ng AFP ang kanilang alert level mula sa Red Alert status ay ibinaba nila sa Blue Alert.
Nangagahulugan ito, 50 porsyento pa rin ng buong puwersa ng kasundaluhan ay mananatili sa kanilang mga himpilan at nanatiling nakahanda sa anumang kaganapan.
Ayon pa kay Arevalo, maaring sa susunod na mga araw ay tuluyan na nilang ibaba sa white or normal alert ang kanilang puwersa sakaling ma-iproklama na ang mga kandidato sa national positions .
Samantala, nanawagan naman si AFP Chief General Benjamin Madrigal Jr. at maging si Philippine Army Chief Lt. Gen Macairog Alberto sa sambayanan na magkaisa na lalo pa’t natapos na ang botohan .
“May mga magkakaiba man tayong hinirang o napisil na iboto, subalit magkaisa naman tayo sa mithiing magkaroon ng mabuting pamamahala sa bansa,” ani Madrigal.
“We only have one country with one aspiration as a people which is national security and sustainable development that follows from strong basic institutions, “ dagdag pa ng opisyal. VERLIN RUIZ
Related posts:
SMC INFRA DONATES SUPPLIES, FOOD FOR PNP, AFP TOLLWAY CHECKPOINTS
PAGSIBAK SA 9 NA PULIS OK SA AFP
8 NURSES IDINEPLOY SA LUNG CENTER
AFP, PNP, PCG SANIB-PUWERSA SA 2022 ELECTIONS
(Pagtutol ng NPC nagbunga; 235 ex-AFP, PNP officials tutol din) RAPPLER-COMELEC MOA WALANG BISA, IBASURA — OSG
BBM SUPORTADO NG MGA DATING PNP, AFP AT MEDAL OF VALOR AWARDEES
ILANG BAHAGI NG DND, AFP, PNP BUDGET GAWING ‘CONFIDENTIAL’
TESDA, AFP, DOST MOST APPROVED AND TRUSTED GOV’T AGENCIES
Comments are closed.