RYZA CENON IBINULGAR ANG MGA KAPAREHAS NIYANG ‘SINGLE’

DAHIL single na uli si Ryza Cenon matapos na nakipaghiwalay sa boyfriend na si Cholo Barretto ay nakipag-per Valentine`s  date na lang siya sa kanyang nanay at tatay sa seryeng The General`s Daughter na sina Albert Martinez at Eula Valdez. Isinare nga ni Ryza sa kanyang Instagram post ang larawan nilang tatlo na may hashtag na 3 singles.

Given na ang pagi­ging single ng actor na si Albert dahil pumanaw na ang kanyang wife na si Liezl Martinez. Obvious din na pag-amin na rin ito ni Ryza na single na siya ulit dahil sa break-up nila ng pamangkin ni Gretchen Barretto. Pero ang ikinagulat ng netizen ay pagiging single ni Eula. So, hiwalay na rin pala ito sa live-in boyfriend.

Ayon kay Ryza nakapag-move na siya at ayaw na niyang elaborate pa kung ano ang tunay na dahlian ng break-up nila ni Choloi. Mas focus na raw siya ngayon sa kanyang showbiz career at sa kanyang mga hobby.

Madalas makita ngayon si Ryza sa pagha-hiking at bumalik na rin siyang muli sa archery.

Ganoon din naman ay super saya rin siya sa TGD at obvious na na­ging close kaagad siya kina Albert at Eula na mga magulang niya sa serye. Si Albert daw ang nagyaya ng pre-Valentine`s  dati nilang tatlo na puro tawanan at kuwentuhan lang daw sila.

Sa ganda at seksi ni Ryza ay hindi magtatagal na marami ang mag-uunahan na maging parte ng kanyang buhay.

ARCI MUÑOZ HINANGAAN SA TRANSFORMATION BILANG DISNEY PRINCESS

BUMILIB at humanga lalo kay Arci Muñoz ang kanyang fans sa majestic transformation ng actress bilang iba`t ibang character ng Disney Princess. Isinare ni Arci sa kanyang Instagram ang pagiging Disney fan niya na kung saan ginagawa nga niya ang mga Disney Princess na kanyang gusto.

Tatlo nga sa Disney Princess ang kuhang-kuha ni Arci, gaya ni Elsa ng “Frozen,”   Belle ng “Beauty and the Beast,” at Snow White!  Kahit na minimal make-up lang at wig ang porma ni Arci ay gayang-gaya niya ang mga ito.

Dahil sa galing ng panggagaya ni Arci ay hina­ngaan siya ng kapwa artista. Ipinakita niya ang kanyang peg na katabi ng kanyang mga larawan na naka-Disney costume at talaga namang kopyang-kopya niya.

Inaasahan ng mga fans ni Arci na mapapansin ng mga international artist agency ang ginawang panggagaya ng actress sa mga Disney Princess.

Pero teka, bakit hanggang ngayon ay walang project na ginagawa si Arci ?

LIZQUEN UMAMING SILA NA, MARK AT WINWYN WALA NA        

WELL, kung sina Liza Soberano at Enrique Gil ay inamin ang tunay nilang relasyon ngayon, kabaligtaran naman ang drama ng magdyowa na sina Mark Herras at Winwyn Marquez na tinapos na ang kanilang pagmamahalan.

Sa ginawang pag-amin nina Liza at Enrique ay nakakuha sila ng simpatiya sa masa dahil kumita ang movie nilang Alone/Together ng P21M sa first day  ng showing nito sa mga sinehan.

Ang tanong naman ngayon ay makakuha rin daw kaya ng simpatiya ang paghihiwalay nina Mark at Wimwyn para kumita sa takilya ang movie ni Win at Enzo Pineda?

Well, mabuti na rin hangga`t  maaga ay napagtanto nina Winwyn at Mark na hindi sila compatible sa isa`t isa at magiging mabuti na lang silang magkaibigan kaysa mag-lover.