NAKATAKDANG isapribado ng gobyerno ang operasyon ng EDSA Bus Carousel service sa susunod na taon, ayon kay Department of Transportation(DOTr) Secretary Jaime Bautista.
Ginawa ni Bautista ang pahayag sa pagbubukas ng bagong bus stop para sa EDSA Bus Carousel sa Tramo, Pasay City.
Magugunitang ipinag-utos ni Bautista noong Setyembre ang pag-aaral sa posibleng pagsasapribado sa EDSA Bus Carousel.
Sinabi ni DOTr Undersecretary Mark Steven Pastor na layon ng pag-aaral na matukoy ang mga bentahe sa pagbibigay ng busway system operations sa pribadong sektor.
Aniya, ang pagsasapribado sa EDSA Bus Carousel ay nangangailangan ng pag-aaral dahil kinasasangkutan ito ng maraming components tulad ng bus units at infrastructures, na nasa ilalim ng hurisdiksiyon ng ibang ahensiya.
Nang tanungin hinggil sa posibilidad ng fare increase, sinabi ng DOTr na ire-regulate ito at nasa ilalim ng hurisdiksiyon ng Land Transportation Franchising and Regulatory Board (LTFRB).
Ang gobyerno ay nag-aalok ng libreng sakay sa EDSA Bus Carousel sa ilalim ng “Libreng Sakay” program nito, na nakatakdang magtapos sa December 31, 2022.
Ayon sa DOTr, ang EDSA Bus Carousel ay nagsasakay ng 320,000 hanggang 390,000 pasahero araw-araw.
Related posts:
(Gobyerno naglaan na ng budget)LIBRENG SAKAY SA EDSA BALIK SA Q2
LIBRENG SAKAY PROGRAM, NAPAKALAKING TULONG SA MAMAMAYAN AT INDUSTRIYA NG TRANSPORTASYON
(Ipamamahagi ng DOTr kung magpapatuloy ang oil price hike)FUEL SUBSIDY SA PUV DRIVERS
(Apela sa gobyerno)FARE DISCOUNT IPATUPAD SA LAHAT NG PUVs
(Isinusulong sa Senado)MOTORCYCLE TAXIS GAWING LEGAL
(DOTr kinalampag)MGA KAWATAN SA AIRPORT KALUSIN
(Kahit extended ang jeepney franchise)TULOY ANG TIGIL-PASADA
(Inilaan ng gobyerno)P4-B PARA SA FUEL SUBSIDY NG DRIVERS, FARMERS