HINDI pa kinokonsidera ng Department of Trade and Industry (DTI) ang pagpapatupad ng price freeze sa basic commodities sa kabila ng tumataas na presyo ng langis sa gitna ng Ukraine-Russia crisis.
Ayon kay Trade Assistant Secretary Ann Cabochan, may mga mekanismo sa Price Act hinggil sa pagdedeklara ng price freeze, kabilang ang pagdedeklara ng state of emergency.
“As of this time and sinabi na ‘to ni [Trade] Secretary Lopez, na hindi pa natin nakikita ‘yung circumstances that will give rise to a declaration of state of emergency,” sabi ni Cabochan sa isang public briefing.
Ayon sa DTI, ang mga produkto sa ilalim ng basic commodities ay ang canned sardines in tomato sauce, luncheon meat, meatloaf, beef loaf, corned beef, processed milk, coffee, bread, locally manufactured instant noodles, salt, detergent soap/laundry soap, toilet soap, bottled water, candle, at condiments tulad ng suka, toyo at patis.
“Patuloy po natin ‘yang mino-monitor kung magkakaroon ng circumstances that would prompt such declaration kasi ‘yung implementing agency under the price act, marami po kami diyan,” ani Cabochan.
Gayunman ay pinag-aaralan, aniya, ng ahensiya ang mga panukala na i-update ang suggested retain price (SRP) bulletin, na iko-coordinate sa mga manufacturer.
“Pinag-aaralan natin, kasi pag nagbibigay tayo ng SRP bulletin na may price adjustment, alam naman natin ‘yung magiging epekto din niyan kasi tataas pa ‘yung presyo kaya we have to study, with the manufacturers na nagbigay,” paliwanag niya.
Related posts:
(Aprub na sa DTI) TAAS-PRESYO SA BASIC GOODS
(Sa gitna ng hard lockdown) PRICE HIKE SA BASIC GOODS IPINAGPALIBAN
(Inihirit sa gitna ng serye ng oil price hike) RICE FREEZE SA BASIC GOODS
Tututukan ng DTI PAGGALAW SA PRESYO NG BASIC GOODS
(Aprub sa DTI) SRP HIKE SA 73 BASIC, PRIME GOODS
(‘Di pa aprubado ng DTI) TAAS-PRESYO SA 200 BASIC GOODS
ELECTRIC VEHICLE SOLUSYON KONTRA PRESYO NG LANGIS
(Sasalubong sa election week) BIG-TIME OIL PRICE HIKE NA NAMAN