APAT na hinihinalang sangkot sa pagbebenta ng ilegal na droga ang nasakote ng mga awtoridad sa isinagawang buy bust operation sa Navotas City, kamakalawa ng gabi.
Kinilala ni Navotas Police Chief Sr. Supt. Rolando Balasabas ang mga naarestong suspek na si John Francis Goli, 24, Ferdinand Reyes, 29, Erick Matias, 30, at Jonathan Isureta, 49.
Sa imbestigasyon ni PO3 Philip Edgar Valera, alas-11:30 ng gabi nang isagawa ng mga operatiba ng SDEU ng Navotas Police sa pangunguna ni PO2 Christopher Alvarez ang buy bust operation kontra sa mga suspek sa kahabaan ng S. Santiago St., Brgy. Sipac Almacen.
Nagawang makabili ni PO1 Globert Batara na nagpanggap na buyer sa mga suspek ng isang sachet ng shabu na nagkakahalaga sa P300.
Nang magkaabutan na agad lumusob ang back-up na mga operatiba saka inaresto ang mga suspek at narekober kay Goli ang buy bust money habang nakumpiska naman sa tatlo ang anim na plastic sachets na naglalaman ng hindi pa matukoy na halaga ng shabu.EVELYN GARCIA
Comments are closed.