SANTOS, PEREZ SWAP? - PILIPINO Mirror

SIMULA na sa January 7, Martes, ang best-of-seven finals ng Barangay Ginebra at Meralco na gagawin sa Araneta Coliseum. Ang Game 2 ay out of town game sa Lucena City sa Jan.10, Friday. Balik sa Big Dome sa Jan. 12, Sunday, ang Game 4. Pero bago ang laro ay igagawad ang ‘Best Player of the Conference’ at ‘Best Import’ Awards. Sakaling umabot sa Game 6 at 7 ang serye, gaganapin ito sa pinakamalaking coliseum sa buong mundo, ang Philippine Arena sa Ciudad de Victoria sa Bocaue, Bulakan. Good luck sa Ginebra at Meralco.
vvv
Dumayo ang Maharlika Pilipinas Basketball League (MPBL) sa unang pagkakataon sa Seven CHIEFS Sportsplex sa Calgary, Canada kung saan nagharap ang Zamboanga Family Brand Sardines at ang Imus Luxxe Slim kahapon. Ang Zamboanga ay may 16 na panalo na sa Chooks-to-Go/MPBL Lakan Season, habang ang Imus team ay may anim na panalo pa lamang.
How true kaya na ang MPBL ay posibleng lumipat na ng TV network? Tsika namin ay nagmi-meeting lagi ang MPBL personnel at ang TV 5. May team na si MVP sa naturang liga..
vvv
Naku, may katotohanan kaya na bago magsimula ang next season ng PBA sa March 1, 2020 ay nakalipat na ng team itong si Arwind Santos sa Columbian Dyip kapalit ni CJ Perez? Matagal nang usap-usapan na hinahanapan ng team si Santos at nagkaroon lang ng butas noong magkagulo sila ng dating import na si Dez Wells.
Naging dahilan na lang ito ng management para ma-trade si Santos sa sister team. Siyempre, hindi puwedeng direkta ito at siguradong may isang team na dadaanan pa ito bago tumuloy si Arwind sa Columbian.
vvv
Lumaki na raw ang ulo ng isang atleta na nag-gold. Mula nang makasungkit ito ng gold ay nag-iba na ang ugali ng player. Paawa effect pa nga raw ito na animo ay walang tutulong sa kanya. Katunayan, mabait daw itong kausap kapag kaharap ka, pero kapag nakatalikod na ang kausap ay nakanguso na ito. Naku, sana walang katotohanan ang aming naririnig. Kasi makasisira ito sa kanya at sa kanyang career.
vvv
Mula nang maghiwalay ng landas ang basketball player at ang kanyang nobya ay lagi nang binabash ang babae ng fans ni player. Lalo na kapag nakikita sa FB ang girl na laging nagpapa-sexy. Sabi nga ng girl, tigilan na siya ng mga follower ng basketbolista kasi noong maghiwalay ang dalawa ay friends pa rin naman sila. Ang tanong, noong mag-break ang dalawa, binawi kaya ng player ang sasakyan na binili niya para sa dating dyowa? Aalamin natin ‘yan.

Related posts: