SUSUSPENDIHIN ng National Water Resources Board (NWRB) ang alokasyon ng tubig para sa irigasyon simula sa Mayo 11 bilang paghahanda sa susunod na crop season.
Ayon kay NWRB Executive Director Sevillo David Jr., ang suspensiyon ng alokasyon ng tubig ay kasabay ng nagpapatuloy na harvest season.
“Nag-aani na ang mga magsasaka sa Bulacan at Pampanga. Kapag nag-aani na po, hindi na ganoon kalaki ang pangangailangan nila sa tubig para sa kanilang irigasyon,” pahayag ni David.
Aniya, babawasan ng NWRB ang alokasyon ng tubig para sa irigasyon ng 10 cubic meters per second bago ito tuluyang putulin matapos ang Mayo 10.
“Pagkatapos ng May 10, suspendido na muna ang alokasyon o pag-release ng tubig sa Angat Dam. Hihintayin natin ‘yung susunod nilang pagtatanim sa kalagitnaan ng June,” dagdag pa niya.
Ang pagbabawas ng alokasyon ay bahagi rin ng pagsisikap ng NWRB na magtipid ng tubig bago ang pagtama ng El Nino phenomenon sa bansa.
Sa babala ng PAGASA, ang El Niño ay inaasahang mararanasan simula sa susunod na buwan kung saan ang Mindanao ang posibleng pinakamaaapektuhan.
Related posts:
(Apela ng NWRB sa publiko bilang paghahanda sa El Niño)MAGTIPIDMAGTIPID NG TUBIG
(Titiyakin ng DA-BFAR sa gitna ng banta ng El Niño)SAPAT NA SUPLAY NG ISDA
(Pag-aaralan ng DA)P15K El Niño SUBSIDY SA FARMERS, FISHERS
(Tiniyak ng DA sa gitna ng banta ng El Niño) SUPLAY NG BIGAS SAPAT
(Tinututukan ng gobyerno) EPEKTO NG EL NIÑO SA POWER SECTOR
EPEKTO NG EL NIÑO SA INFLATION, EKONOMIYA MINALIIT
(Itinutulak sa Kamara) RENEWABLE ENERGY VS EL NIÑO
CROP INSURANCE PROGRAM PALALAKASIN