MATAPOS ang limang buwang sunod na tapyas sa singil ng koryente, inanunsiyo ng Meralco na magkakaroon ng bahagyang pagtaas ng bill ngayong Oktubre ng P0.0448 (P4.48 centavos) per kilowatt hour o katumbas ng P9 para sa isang tipikal na sambahayan.
Bagamat bumaba ang halaga ng koryente sa spot market, bahagya namang tumaas ang transmission charge kaya’t liliit din ang halaga ng refund na ipinag-utos ng Energy Regulatory Commission (ERC).
Ang dagdag na singil ay katumbas ng P8.96 dagdag para sa mga kumokonsumo ng 200kWh kada buwan; P13.44 para sa mga kumokonsumo ng 300kWh kada buwan at P17.92 para sa mga may konsumong 400kWh kada buwan.
“The increase is due to a smaller Net Settlement Surplus (NSS) refund for October from the Wholesale Electricity Spot Market (WESM),” pahayag ng Meralco.
Ayon sa kompanya, ang WESM charges ay bumaba ng 52.90 centavos katumbas ng mas mabuting power supply situation sa Luzon grid, at kaunti na lamang ang power plants na sumasabog.
Kasalukuyang nagmimintina ang Meralco ng electric distribution systems sa mga siyudad ng Bulacan, Cavite, Metro Manila, at Rizal, at sa ilang siyudad, bayan, at barangay sa mga probinsiya ng Batangas, Laguna, Pampanga at Quezon.
Related posts:
ILANG LUGAR SA LUZON MAWAWALAN NG KORYENTE SA MAYO 18-19
SINGIL SA KORYENTE POSIBLENG MATAPYASAN NGAYONG BUWAN
KORYENTE MAY BAWAS-SINGIL ULIT NGAYONG AGOSTO
BAWAS-SINGIL SA KORYENTE GAMIT ANG MALAMPAYA FUND
BAWAS SINGIL SA KORYENTE SA SEPTEMBER BILL
SINGIL SA KORYENTE MAY TAPYAS NGAYONG BUWAN NG OKTUBRE — MERALCO
TAAS-SINGIL SA KORYENTE NGAYONG DISYEMBRE
MABABANG SINGIL SA KORYENTE NGAYONG ENERO
Comments are closed.