SOTTO SUPER SIKAT SA ADELAIDE

GRABE pala ang dating sa ibang bansa ng ating Gilas player na si Kai Sotto. Pinagkakaguluhan  ang replica jersey ni Sotto na gagamitin ng player sa paglalaro niya sa Adelaide 36ers sa National Basketball League.

Binuksan  para sa fans ng 36ers ang pre-order sa jersey ng dating Ateneo Blue Eagles  player.  Ayon sa photo release ng Adelaide, gagamitin ni Sotto ang kanyang jersey no. 11 na numero niya noong naglalaro siya sa Blue Eagles.

Nagkakahalaga ang jersey ni Kai  ng  AU$99. Sa pera natin ay tumataginting na P3700. Darating ang replica jersey ni Sotto sa May 31. Congrats.



Sobrang bait talaga nitong si Marc Pingris, ang tinaguriang Pinoy Sakuragi. Nasunugan kamakailan ang pinsan niya sa may Paranaque. Sugod agad ito upang dalhan ng tulong ang kanilang kamag-anak… Siyempre, dinamay na rin niya ang mga kapitbahay na nasunugan din. Ayon nga sa video ni Pingris, ramdam niya ang hirap na mawalan ng bahay. Alam natin lahat na galing sa hirap ang pamilya ni Marc mula sa Pangasinan. Kaya kapag may mga ganitong sitwasyon ay malambot ang puso niya.

Sana ay patuloy itong gawing ni Pingris. Speaking of Pinoy Sakuragi ay ipagpapatuloy pa rin niya ang paglalaro sa kampo ng Magnolia Hot-shots, kaya pa naman niyang makipagsabayan.



Tinanggal ng head coach ang isa sa mga assistant  coach niya sa team. Ang team ng coach ay naglaro sa isang semi-professional league. Pakiramdam  ni head coach ay sinasapawan siya ng asst. coach niyang ito sa kanilang team. At kinabahan baka mapalitan siya nang wala sa oras kung sakali.

‘Yun ang akala ng mentor, tahimik lang si asst. coach. Katunayan, very professional ang asst. coach na natanggal  sa koponan. Nang malaman niyang wala na siya sa team ay nagpaalam pa ito kay head coach nang personal. Pero walang

kamalay-malay si  mentor na sa isang

pinagkakatiwalaan niyang asst. coach sa team siya dapat mag-ingat. Dahil ito ang magtatarak  ng patalim sa kanyang likuran. Mabait kapag nakaharap ang asst. coach  na ito. Pero ito ang manghuhudas sa kanya na super vaccum. Sino ititz?

Related posts:

KAI SOTTO LUMAHOK SA PRE-DRAFT WORKOUT SA SACRAMENTO SOTTO SWAK SA ORLANDO SA NBA SUMMER LEAGUE SOTTO BINANGKO SA SUMMER LEAGUE OPENER NG MAGIC SOTTO MULING IBINANGKO NG MAGIC VS PACERS SA NBA SUMMER LEAGUE SOTTO IBINANGKO NA NAMAN NG MAGIC SOTTO SUMALANG NA SA NBA SUMMER LEAGUE DEBUT SOTTO PUWEDE NANG MAGLARO SA GILAS JAPAN B.LEAGUE: SOTTO LUMIPAT SA YOKOHAMA B-CORSAIRS