NAGBUHOS si LaMarcus Aldridge ng 26 points at humablot ng 10 rebounds, at nagdagdag si DeMar DeRozan ng 25 points nang maitakas ng San Antonio Spurs ang 120-103 panalo laban sa bumibisitang Denver Nuggets noong Huwebes upang kunin ang Game 6 at maipatas ang kanilang Western Conference first-round playoff series.
Ang deciding Game 7 sa series ay lalaruin sa Sabado sa Denver, kung saan ang second-seeded Nuggets ang may pinakamagandang home rec-ord sa NBA sa regular season at nanalo ng dalawa sa tatlong games.
Umabante ang San Antonio, ang seventh seed sa West, ng limang puntos upang simulan ang fourth quarter at naitala ang unang walong puntos ng period upang itarak ang 98-85 bentahe.
Isang 32-foot 3-pointer ni Bryn Forbes habang paubos ang shot clock, may 7:28 sa orasan, ang tumapos sa 15-2 run at pinalobo ang kalaman-gan ng Spurs sa 105-87.
Nagdagdag si Rudy Gay ng 19 points para sa Spurs, habang gumawa sina Derrick White at Patty Mills ng 13 at 12 points, ayon sa pagka-kasunod.
Kumana si Nikola Jokic ng 43 points para iposte ang franchise playoff record ng Nuggets sa pagkatalo. Ang kabuuan ay career high para sa Serbian, kabilang ang regular season at postseason.
Humugot din si Jokic ng 12 rebounds at nagbigay ng 9 assists. Nakalikom si Jamal Murray ng 16 points para sa Denver, habang nag-ambag sina Gary Harris ng 14 at Paul Millsap ng 12 points.
Nalusutan ng Denver ng maagang momentum ng Spurs at bumalik sa second quarter upang sandaling kunin ang 50-47 kalamangan sa floater ni Murray, may 3:52 sa orasan.
Muling naitabla ng San Antonio ang laro sa 3-pointer ni Gay sa sumunod na possession at tinapos ang half sa isang flurry. Naisalpak ni DeRozan ang isang free throw, pagkatapos ay dinaig ang Nuggets sa lane para sa offensive rebound at put-back na nagbigay sa Spurs ng 64-60 bentahe sa intermission.
Umiskor si Aldridge ng 18 points sa half upang pangunahan ang Spurs at nagdagdag si Gay ng 14 sa unang dalawang periods. Ayaw paawat ni Jokic sa first half, kumana ng 18 points, humablot ng walong rebounds at nagbigay ng pitong assists sa loob ng 19 minuto.
