MAGUINDANAO – ISANG tauhan ng Philippine Army ang nasawi habang dalawang kasamahan nito ang malubhang nasugatan nang mapalaban ang kanilang tropa sa isang grupo ng Bangsamoro Islamic Freedom Fighters (BIFF) sa bayan ng Mamasapano.
Kinilala ang nasawing sundalo na si Sgt. Randy Alivar habang ang mga sugatan naman ay kinilalang sina Pfc. Ruel Sumilhig at Pfc. Allan James Cabildo.
Kasalukuyang nagsasagawa ng combat patrol operation ang mga tauhan ng Philippine Army nang masabat nila ang isang grupo ng mga terorista sa Barangay Tukanalipao ng nasabing bayan na agad na nauwi sa matinding sagupaan.
Sa impormasyong ibinahagi naman ni Western Mindanao Command spokesperson, Maj. Arvin Encinas, habang nagpapatrolya ang mga sundalo sa Barangay Tukanalipao, bago ang nasabing engkuwentro laban sa hindi pa matukoy na bilang ng mga armadong miyembro umano ng BIFF Bungos Faction ay nakasagupa na ito ng kanilang mga tauhan noong Sabado.
Ayon kay Encinas, dalawang mga miyembro rin ng BIFF ang nasawi sa engkuwentro noong Sabado, Nobyembre 9.
Sa ngayon ay nagsasagawa na ng clearing operations ang militar para tuluyang maitaboy ang BIFF sa lugar.
Nabatid na nasa 450 pamilya o 2,700 indibidwal ang nagsilikas dahil sa takot na maipit sa nasabing sagupaan. VERLIN RUIZ
Related posts:
SUNDALO PINATIMBUWANG NG NEW PEOPLE’S ARMY
(Sundalo tumba sa rescue ops) 2 INDONESIAN KIDNAP VICTIMS NAILIGTAS
SUNDALO TUMBA, 1 SUGATAN SA TANDEM
NPA TUMBA, SUNDALO SUGATAN SA SAGUPAAN
(Lasing na corporal namaril ng 2 opisyal) 3 SUNDALO NAGBARILAN SA LOOB NG KAMPO
IPs BIGYAN NG TSANSA PARA MAGING PULIS AT SUNDALO
TOP OFFICIALS NG NPA TUMBA SA SUNDALO
SUNDALO INAMBUS NG SPARU NG NPA
Comments are closed.