SUV VS BIKE: BACKRIDER TUMBA, 2 GRABE

CAVITE  – BUMULAGTA ang 34-anyos na backrider habang dalawa nitong kasama ang nasugatan makaraang salpukin ng sports utility vehicle ng likurang bahagi ng motorsiklo sa kahabaan ng Aguinaldo Highway sa Brgy. Sampaloc 2 sa Dasmariñas City kahapon ng madaling araw.

Hindi na umabot ng buhay ang biktimang si Archie Catalina ng Brgy Pasong Kawayan 2, General Trias City.

Sugatang naisugod sa pagamutan ang driver ng bike na si Joel Joven, 38, ng Mary Cris Complex Pascal, Gen. Trias City at isa pang backrider na si Ragnar Catalina, ng nabanggit na barangay.

Arestado ang driver ng Nissan Navara na si Ma. Victoria Sabino, 48, ng Metrogate Silang Estates sa bayan ng Silang.

Ayon sa police report na nakarating sa Camp Pantaleon Garcia, patungo sa Tagaytay City ang mga biktimang nakamotorsiklo nang salpukin ng SUV na May plakang NCM 8338 sa bahagi ng Brgy. Sampaloc 2, Dasmarinas City.

Tumilapon ang mga biktima kung saan nawasak pa ang kanilang motorsiklo.

Arestado naman ang suspek kung saan Naka impound ang kanyang S UV pick-up. MHAR BASCO