SWISS NATIONAL, 2 PA NASAKOTE  SA 200 ECSTACY

NASAKOTE ang tatlo katao kabilang ang isang Swiss national makaraang mahulihan ng 200 party drugs sa isinagawang joint anti drug operation ng Philippine Drug Enforcement Agency (PDEA)-NCR at  Southern Police District Office (SPDO) kasama ang District Intelligence Division (DID)at District Drug Enforcement Unit (DDEU) sa Parañaque City

Sa ulat kay PDEA Director General Wilkins Villanueva, bandang alas-2:50 ng madaling araw kahapon ay ikinasa ng PDEA ang buy bust operation sa kahabaan ng Aguirre Ave., Brgy. BF Homes sa nasabing lungsod.

Kinilala ni PDEA Spokesman Derrick Carreo ang nadakip na banyaga na si  Thomas Fritz Stucki at ang dalawang  Pinoy na sina Carlo Ruiz Gonzales at Raymond Dragon.

Nakumpiska sa mga suspek ang 200 tabletas ng ecstacy na aabot sa halagang P340,000,1 Iphone11 Promax, 1 Iphone, 1 Silver Toyota Fortuner na may plakang WQO-283, 1 Green Toyota Revo na may plaka namang WGL – 966.

Sinasabing, sumailalim sa mahigit  dalawang buwan ang isinagawang surveillance bago inilatag ang buy bust ope­ration laban sa mga suspek. VERLIN RUIZ