IPINAGPATULOY ng TEAM Ilustre East Aquatic ang dominasyon sa pagkolekta ng 30 gintong medalya, kabilang ang 17 sa BiFin event, at inangkin ang overall team championship sa pagsasara ng Congress of Philippine Aquatics, Inc. (COPA) Golden Goggle 3rd at 4th leg nitong Linggo sa Teofilo Yldefonso swimming pool sa loob ng Rizal Memorial Sports Compex (RMSC) sa Malate, Manila.
Matapos pangunahan ang koponan sa 21-gold medal haul sa opening day nitong Sabado, ang National junior record holder sa boys 13-under na si Jamesray Mishael Ajido ay nagpamalas ng isa pang kahanga-hangang kampanya sa nakamit na apat na gintong medalya, tatlo sa BiFin event para sandigan ang Team Ilustre sa team championship tangan ang kabuuang 4,682 points.
Tinalo ng 14-anyos na beteranong internationalist ang kanyang mga kalaban sa BiFin 100 freestyle sa naitalang 52.27 segundo, gayundin sa 200free (1:56.15) at 50free (22.80). Inangkin ng Grade 7 student mula sa Montessori Integrated School-Antipolo ang kanyang ikaapat na gintong medalya sa classic (regular) swimming event sa boys 100m backstroke sa oras na 1:02.47.
Ang iba pang nagwagi ng multiple gold medal sa BiFins sa ilalim ng Team Ilustre ay sina Zoe Adrienne Terrible sa girls 16-yrs 200free (2:16.11), 50free (27.56) at 100free (1:00.25); Yoana Ysabelle Bersamin sa mga batang babae 13-yrs 200free (2:20.83), 200free (2:56.99), at 50free (28.57); Rio Rafaella Balbuena sa girls 17-yrs 200free (2:18.59), 50free (27.17), 100free (1:02.67) at 100m back sa classical swim (1:20.87), Andrina Rose Victor sa mga batang babae 9-yrs 200free (3:01.76).
Nag-ambag din sa run away win ng Team Ilustre sina Luke Amber Arano sa boys 17-yrs 50free (22.33), Allyssa Cabatian sa girls 15-yrs 50free (26.02) at 100free (57.27), Ethan Dulin sa boys 15-yrs 1007 free, Claine Lim sa mga batang babae 13-yrs 100free (1:20.24), at Ruth Sula sa mga babae 15-yrs 100free (1:21.54).
“‘Yung purpose namin to include BiFin events is to expose the discipline sa ating mga batang swimmers at sa kanilang mga magulang. Hindi naman kami nagkamali dahil marami ‘yung sumali and actually mas mabilis ‘yung time nila rather than sa classic swimming. Through COPA president and Batangas 1st District Congressman Eric Buhain regular na sa calendar of event natin ang BiFin at Para swimmers. Talagang nagulat at natuwa ang ating crowd sa kanila,” sabi ni tournament director Chito Rivera.
Sinabi ni Rivera na inaasahan niya ang mas malaking bilang ng mga kalahok sa susunod na torneo ng COPA – ang Inter-School at Inter-Club Championships – sa Mayo 20 at 21 sa parehong venue ng RSMC.
Umani naman ng paghanga mula sa weekend crowd ang partisipasyon ng dalawang Para athletes na sina Diaresa Robles at Jolie Novillas, parehong S14 swimmers, sa girls 18-yrs old and over class kung saan nanalo ang huli ng dalawang silver medals sa 50m backstroke (45.17) at 100m back (1). :26.68).
“Ito ay bahagi ng kanilang paghahanda para sa darating na ASEAN Para Games sa Cambodia. Nagpapasalamat kami sa COPA at isinama ang Para athletes sa kanilang programa,” ani National Para coach Leo Ramos.
EDWIN ROLLON
