ARESTADO ng mga tauhan ng Quezon City Police District (QCPD) sa ilalim ni Director, Chief Supt. Joselito Esquivel Jr., ang isang driver ng kilalang Transport Network Vehicle Service (TNVS) dahil sa droga.
Samantala, kinilala ni Esquivel ang driver na si Kristofer Jay Gavino, 37-anyos.
Alas-9:00 ng gabi kamakalawa nang ikasa ng pinagsamang tauhan ng Cubao Police Station (PS 7) sa ilalim ni Supt. Giovanni Hycenth Caliao at ng mga tauhan ng PDEA NCRPO ang buy bust laban sa suspek at isang operatiba ang nagpanggap bilang buyer at nakipag-set sa loob ng isang apartelle sa Cubao kung saan naaresto si Gavino.
Ayon kay Station Drug Enforcement Unit Chief, Ramon Aquiatan, habang dinadakip si Gavino ay nilunok nito ang shabu.
Nakuha mula sa suspek ang cellphone na ginamit sa drug deal at ang buy bust money.
PAULA ANTOLIN
Comments are closed.