NAGDULOT ng matinding traffic ang payday Friday na nagsimula ng tanghali sa mga motorista na dumadaan ng EDSA.
Ayon sa Metropolitan Manila Development Authority (MMDA) bukod sa payday Friday na siyang naging dahilan ng mabigat na daloy ng trapiko ay sinabayan pa ito holiday rush dahil sa mga taong naghahabol sa pagbili ng regalo at mga dumadalo sa mga Christmas party.
Ayon sa MMDA, gamit ang kanilang navigation apps ay naitala na nasa 12 kilometro kada oras ang average speed ng mga sasakyan sa EDSA.
“Bawat oras parang rush hour na po. Payday Friday, nagmistulang ‘Friday the 13th’. Marami na pong events na nangyayari left and right gaya ng Christmas parties,” ani MMDA spokesperson Celine Pialago.
Ayon pa kay Pialago, sa North EDSA kung nasaan ang ilang malalaking malls ay namuo ang trapiko tanghali pa lang.
Dagdag pa ni Pialago na ang ilang motorista ay nagtitiis na lang sa pagko-commute imbes na gumamit ng ride-hailing service lalo’t nagtriple ang pamasahe rito.
Sinabi pa ni Pialago, sa ngayon ay nakatutok ang mga tauhan ng MMDA sa mga choke point ng EDSA mula Balintawak, North EDSA, Cubao, Ortigas, Shaw, Pasay, at Taft gayundin sa mga paligid ng malls. MARIVIC FERNANDEZ
Related posts:
(Dumoble pa sa carrying capacity, MMDA naalarma) SASAKYAN SA EDSA DUMAMI
PROBLEMA SA TRAPIK ‘DI KAYANG RESOLBAHIN
TRAPIK MAS TITINDI PAGKATAPOS NG UNDAS
‘PAYDAY FRIDAY’ SANHI NG MATINDING TRAPIK
(Panawagan ng MMDA sa mga motorista sa opening ng SEA Games) IWASAN ANG EDSA
(Publiko pinayapa ng MMDA) WALANG DAPAT IKABAHALA SA TRAPIK
TRAFFIC SA EDSA ASAHAN SA CLOSING NG SEAG
UMIWAS SA TRAPIK SA BULACAN