PARA mapanatili ang magandang kredensiyal ng triathlon sa international arena, sinabi ni Triathlon Association of the Philippines (TRAP) president Tom Carrasco na palalakasin niya ang kanyang grassroots programs sa layuning makatuklas ng mga batang may potensiyal na magbigay ng karangalan sa bansa.
“In sports, athletes come and go. Kailangang palakasin ko ang grassroots programs at makatuklas ng maraming batang atleta na kakatawan sa bansa sa mga darating na international competition,” sabi ni Carrasco.
“Hindi sa lahat ng panahon ay mananatili ang atletang lumalaban. Darating ang panahon na magreretiro sila at kailangang may nakahandang kapalit sa orasng pangangailangan,” aniya.
Sinabi ni Carrasco na maraming foreign invitations ang dumating sa kanyang opisina na inaanyayahan ang mga Pinoy na sumali sa iba’t ibang torneo.
“Kailangang paghandaan natin ito para mahasa at lumawak ang karanasan ng mga Pinoy at makasabay sa kanilang foreign counterparts,” dagdag pa ni Carrasco.
Dinomina nina John Leerams Chicano at Kim Mangrobang ang men’s at women’s categories sa katatapos na 30th SEA Games at dinuplika ang kanilang tagumpay sa Singapore at Malaysia.
“Ang tagumpay sa sports ay nakasalalay sa effective, viable, comprehensive and long sustainable sports programs,” sambit ni Carrasco. CLYDE MARIANO
Related posts:
OLYMPICS TARGET NG TRIATHLON UST NANGUNGUNA SA UAAP GENERAL CHAMPIONSHIP RACE
3-PEAT TARGET NG PH TRIATHLETES SA SEAG
UNANG GINTO NG PINAS NASUNGKIT NI CHICANO
(Dahil sa banta ng nCoV) OLYMPIC QUALIFYING SA TRIATHLON KANSELADO
2021 WORLD TRIATHLON SPRINT & RELAY CHAMPIONSHIPS IPINAGPALIBAN
SWIMMING, TRIATHLON, BOXING TAMPOK SA TOPS ‘USAPANG SPORTS’
BASKETBALL, TRIATHLON TAMPOK SA PSA FORUM
PH ATHLETES MASUSUBUKAN SA 30TH SUBIC INT’L TRIATHLON
Comments are closed.