VALENZUELA CITY – ARESTADO ang isang truck driver at truck helper matapos maaktuhang sumisinghot ng shabu sa loob ng isang truck sa lungsod na ito kahapon.
Batay sa ulat, dakong ala-1:15 ng hapon nang makatanggap ng tawag sa telepono mula sa concerned citizen ang Valenzuela Police Community Precinct (PCP)-1 hinggil sa nagaganap umanong pot-session sa loob ng isang truck na nakaparada sa Total Gas Station sa Paso De Blas.
Nirespondehan ng mga tauhan ng PCP-1 ang naturang lugar kung saan nahuli sa akto ang mga suspek na nakilalang si Richard Tecson at Jonathan De Guzman na sumisinghot ng shabu sa loob ng truck.
Nakumpiska sa mga suspek ang isang plastic sachet na naglalaman ng hinihinalang shabu, isang aluminum foil strip na may bahid ng shabu, dalawang rolled aluminum foil strip at dalawang disposable lighter.
Dinala ang mga suspek sa Valenzuela Police Station Drug Enforcement Unit (SDEU) para sa proper disposition. VICK TANES
Comments are closed.