BULACAN – ISANG hinihinalang drug pusher ang napatay at siyam na iba pa ang naaresto sa buy bust operations na isinagawa ng pulisya kamakalawa.
Ayon kay PCol. Chito Bersaluna, hepe ng Bulacan-PNP, napatay nang manlaban sa mga pulis si Ricardo Pacheco, alyas Rigor, subalit nakata-kas ang kasama niyang si Alexander Masagnay, alyas Butog, kapwa ng Sitio Batchingngan, Brgy. Gaya-Gaya, San Jose del Monte City.
Sa ulat ni PLt. Col. Orlando Castil, hepe ng SJDMC Police, nakatunog sina Pacheco at Masagnay na pulis ang binentahan nila ng shabu dakong 11:15 kamakalawa kaya nakipagbarilan sila at kaagad napatay si alyas Rigor pero nakatakas si Butog lulan ng pulang motorsiklo na walang plaka.
Nakumpiska kay Pacheco ang 10 plastic sachets ng shabu, isang kalibre .38 revolver at buy-bust money.
Ang siyam na nadakip naman sa mga bayan ng Bocaue, Calumpit,Balagtas, Baliwag, Plaridel, at Hagonoy ay dinala sa Camp Alejo Santos sa Malolos City para masampahan ng kaukulang kaso. A. BORLONGAN
Related posts:
DRUG PUSHER TIMBOG SA P480K SHABU
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
Comments are closed.