UAAP: MALINIS NA KARTA ITATAYA NG ATENEO, DLSU

Mga laro ngayon:

(Mall of Asia Arena)

10 a.m. – AdU vs Ateneo

1 p.m. – FEU vs DLSU

4 p.m. – UP vs NU

7 p.m. – UE vs UST

SISIKAPIN ng defending three-time champion Ateneo at La Salle na manatiling walang talo sa magkahiwalay na laro ngayon sa UAAP men’s basketball tournament sa Mall of Asia Arena.

Ang Blue Eagles at Archers ay kapwa may 2-0 kartada.

Haharapin ng Blue Eagles ang Adamson sa alas-10 ng umaga bago sagupain ng Green Archers ang Far Eastern University sa ala-1 ng hapon.

Sa iba pang laro, umaasa ang University of the Philippines na masundan ang  98-82 panalo laban sa University of Santo Tomas noong Martes sa pagharap sa National University sa alas-4 ng hapon.

Magsasalpukan naman ang mga wala pang panalong koponan na UST at University of the East sa alas-7 ng gabi para sa huling laro sa  four-game fixture.