KAABANG-ABANG para sa hanay ng mga manggagawa ang ihahayag ni Pangulong Rodrigo Duterte bukas kaugnay sa dagdag sa sahod.
Inaasam ng Associated Labor Unions-Trade Union Congress of the Philippines (ALU-TUCP) na ilatag ng Pangulo sa kaniyang State of the Nation Address (SONA) ang mga gagawing hakbangin para makaramdam ng ginhawa ang mga manggagawa.
Giit ni Alan Tanjusay, tagapagsalita ng ALU-TUCP, dapat mapawi ng Pangulo ang bumabalot na agam-agam sa milyon milyong manggagawa sa gitna ng pagsipa ng presyo ng mga bilihin at ng serbisyo.
Sinabi pa ni Tanjusay na umaasa ang mga manggagawa na bukod sa dagdag sa sahod ay may inaanunsiyo rin ang Chief Executive kaugnay sa pagtuldok sa contractualization, pagpapababa sa presyo ng bilihin, at gawing ligtas ang mga lugar pagawaan sa bansa.
Nais ng kanilang hanay na linawin ng Pangulo ang direksiyong tinatahak ng kaniyang pangasiwaan para sa tinatawag na genuine inclusive growth.
Matatandaang inihayag ng National Economic and Development Authority (NEDA) na mangangailangan ang isang pamilya ng P42,000 kada buwan o P1,400 kada araw upang mamuhay nang disente.
“The current wage rates obviously continue to be inadequate for a living wage. Due to supervening conditions, President Duterte must take jurisdiction over the wage boards and, as the Chief Executive, determine and adjust the wage rates,” dagdag ni Tanjusay.
Dapat umanong i-adjust ng National Capital Region (NCR) Wage Board ang kasalukuyang P512 na minimum wage sa Metro Manila. VERLIN RUIZ
Related posts:
PANAWAGAN SA SOBERANYA, DAGDAG SAHOD AT ENDO, IDADAAN SA MGA ISUSUOT SA SONA
(Matapos ang SONA ni Duterte) BAYANIHAN 2 APRUBADO NA
(Para i-deliver ang ika-5 SONA) DUTERTE MAGTUTUNGO SA BATASAN
5TH SONA NI DUTERTE, MAGHAHATID NG PAG-ASA SA GITNA NG PANDEMYA
PANTAWID PASADA PROGRAM PINAIIMBESTIGAHAN NI DUTERTE
SONA NI DIGONG, TAUMBAYAN ANG HUMUSGA
MEDIA, BAWAL PA SA MISMONG SONA
(Signal jamming, temporary gun ban ipatutupad) NCRPO HANDA NA SA SONA
Comments are closed.