QUEZON – WALO katao ang patay sa salpukan ng private van at wing truck sa bahagi ng Maharlika Highway sakop ng Brgy. Sto. Cristo bayang ng Sariaya kahapon ng umaga.
Kinumpirma ni Sariaya PNP OIC Chief of Police Lt Col Carlo Caceres na 8 ang nasawi sa 14 na sakay ng van at 7 ang sugatan sa malagim na trahedya sa kalsada.
Nasa ibat-ibang ospital sa bayan ng Sariaya, Candelaria at Lucena City ang 8 nasawi kasama ang 2-anyos na idineklarang dead on arrival at ang 7 sugatan na pasahero ng van kabilang ang driver ng truck.
Ayon pa kay Caceres, base sa kanilang imbestigasyon, nakatulog umano ang nagmamanehong driver ng van na nakilalang si Eleodoro Bermudo, residente ng Balatan, Cam Sur kung saan napunta nito sa linya ng kasalubong na truck.
Ayon sa anak ng driver ng van, galing sa bayan ng Balatan, Camarines Sur ang kanilang van sakay ang magkakapamilyang biktima nang banggain nito ang kasalubong na wing van truck na minamaneho ni Crisanto Saculo Pascual, residente ng Brgy.Tinago, Isarog, Naga City na nanggaling ng Taguig City patungo sa Legazpi City, Bicol Region.
BONG RIVERA
Related posts:
SEGURIDAD SA BICOL REGION PROTEKTADO NA
REHIYON NG BICOL AT VISAYAS BINABAGYO NA
TRAIN TO BICOL
DOH-BICOL ALERTADO SA PAPUTOK
LIVE-IN PARTNER NAIPIT SA JEEP AT TRAK: 1PATAY, 1SUGATAN
KARAMBOLA NG 3 SASAKYAN: 5 PASAHERO UTAS, 4 SUGATAN
(PRO-5 handa na) BORDER CONTROL, CHECKPOINT INILATAG
1M ENROLLEES NAITALA SA DEPED BICOL