DAVAO CITY – NAMATAY noon din ang apat na pasahero habang dalawa ang sugatan nang sumalpok ang sinasakyan nilang van sa kasalubong na van na nawalan ng preno sa lalawigang ito.
Ayon sa ulat, binabaybay ng kulay gray na van ang lane ng Davao-Digos Highway sa Barangay Binugao, Toril District nitong umaga ng Sabado nang bigla na lamang tumawid sa northbound lane ng highway ang naturang van.
Imbes na lumiko ay dumiretso umano ito dahilan para masalpok nito ang isang puting van sa kabilang lane ng kalsada.
Napatigil ang nabanggang puting van sa gitna ng highway gayundin ang gray na van ilang metro lamang ang layo.
“Galing Samal at ang isa galing Digos. Diyan sila nagpang-abot sa Binugao. Tapos ‘yun, may casualty, dinala namin sa SPMC,” pahayag ni Kagawad Rogelio Mayda, pinuno ng BDRRMC Binugao.
Sa inisyal na imbestigasyon ng mga awtoridad, nawalan ng kontrol ang drayber sa manibela nito kaya nagdire-diretso sa lane ng kasalubong na puting van.
EVELYN GARCIA
Related posts:
DAVAO CITY AAYUDA SA BIKTIMA NG LINDOL SA BATANES
JAPANESE MAGNENEGOSYO SA DAVAO CITY
BALIK-ESKUWELA BUKAS SA DAVAO CITY
PASLIT UTAS SA TAGA NG AMA NA NAGPAKAMATAY DIN
3 PASLIT NATAGPUANG PATAY
SUV SUMALPOK SA PUNO: 6 SUGATAN
TULAY GUMUHO: 1 PATAY, 2 SUGATAN
DRIVER, PAHINANTE NG TRUCK TODAS SA SAKAY NA MGA BAKAL