MAGUINDANAO – ARESTADO ang vice mayor ng Datu Unsay makaraang makumpiskahan ng P1.3 milyong halaga ng shabu sa inilunsad na Law Enforcement Operation ng pinagsanib na puwersa ng Armed Forces of the Philippines (AFP), Criminal Investigation and Detection Group- Bangsamoro Autonomous Region in Muslim Mindanao (CIDG-BARMM), Philippine National Police (PNP) at PDEA-ARMM sa bahay ng dating opisyal ng Autonomous Region in Muslim Mindanao sa Sitio Ameril, Barangay Manggay, bayan ng Talitay kahapon ng umaga.
Nakatakdang kasuhan ang suspek na si Datu Unsay Vice Mayor Bai Janine Ameril.
Base sa ulat ni PDEA-BARMM Director Juvenal Azurin, lumilitaw na target ng operasyon ang bahay ni Mike Sittie na sinasabing nahaharap sa patong-patong na kasong kriminal at may nakabinbing warrant of arrest.
Nang hindi matagpuan si Kuander Sittie ay pinasok ng awtoridad ang bahay ni dating ARMM Assemblyman Sidic Ameril subalit tanging ang misis lamang nito na si Vice Mayor Janine Ameril ang nadatnan.
Narekober sa bahay ng pamilya Ameril ang iba’t ibang uri ng high-powered firearms, mga bala, at ilang gramo ng shabu na nagkakahalaga ng P1.3 milyon.
Nilinaw naman ni Azurin na hindi nila ni-raid ang bahay ng pamilya Ameril bagkus may impormasyon sila na may itinatagong mga baril, bala at droga kaya itinuloy nila ang nabanggit na operasyon. MHAR BASCO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.