VISMIN CUP: BASILAN DINUNGISAN ANG CLARIN

PINATUNAYAN ng Basilan na mas determinado ang kanilang pakay sa 2021 Chooks-to-Go Pilipinas VisMin Super Cup Mindanao leg matapos gapiin ang dating walang talong Clarin Sto. Nino. 86-68. Lunes ng gabi sa Pagadian City Gymnasium sa Surifao Del Sur.

Sa duelo ng dalawang heavyweights ng liga, nakauna ang Basilan sa naibabang 18-7 sa second half para hilahin ang pitong puntos sa matikas na 18 puntos na kalamangan, 57-39, may 4:28 ang nalalabi sa third period.

Nakihamok ang Clarin sa matikas na 16-5 counter run, tampok ang tatlong sunod na triples ni John Wilson para sa 55-62.

Ngunit hindi nagpatinag ang Peace Riders sa final frame mula sa matikas na opensa nina Hesed Gabo, Philip Manalang, at Jonathan Uyloan para muling palobohin  ang bentahe sa 17 puntos, 75-58, tungo sa ikapitong sunod na panalo.

Tinapos ng Clarin ang one-round elimination sa 7-1

“The boys stepped up. Talagang lahat nag- contribute offensively and defensively. Lahat ng minutes nila, vital and lahat nakapag-contribute,” pahayag ni Basilan head coach Jerson Cabiltes.

Tatangkain ng Peace Riders na mawalis ang elimination para sa awtomatikong tiket sa Finals sa pakikipagtuos sa Roxas.

“Magiging walang kwenta lahat ng panalo namin if hindi namin makukuha ‘yung panalo bukas. We’re gonna go all out tomorrow,” sambit ni Cabiltes.

Nanguna si Jay Collado sa Basilan sa kinamadang 15 puntos at 5 rebounds, habang kumana si Gabo ng double-double na 12 puntos at 11 assists.

Hataw si Wilson sa Sto. Niño sa naiskor na 16 puntos at nag-ambag si Carlo Lastimosa ng 16 puntos. EDWIN ROLLON 

Iskor:

Basilan (86) – Collado 15, Baloria 14, Uyloan 12, Gabo 12, Manalang 8, Mabulac 7, Bringas 4, Bitoon 4, Juico 4, Taganas 2, Hallare 2, Siruma 2.

Clarin (68) – Lastimosa 16, Wilson 16, Eriobu 10, Raymundo 6, Marcelino 5, Hayes 4, De Mesa 4, Baetiong 4, Pagente 3, Mangahas 0, Berdan 0, Santos 0, Jalem 0.

QS: 24-14, 39-32, 64-55, 86-68

Related posts:

VISMIN CUP: CLARIN, BASILAN AGAWAN SA FINALS BERTH BUENA MANO SA BASILAN SA VISMIN CUP BASILAN RATSADA SA VISMIN CUP MINDA LEG BASILAN RATSADA SA 5-0 BASILAN VS ROXAS SA VISMIN CUP FINALS BASILAN KAMPEON SA VISMIN CUP MINDANAO LEG BASILAN, PAGADIAN, NANGIBABAW SA VISMIN CUP 2ND SEASON OPENING BASILAN BALIK ANG BANGIS SA VISMIN CUP