TATALAKAYIN ang volleyball sa online edition ng Philippine Sportswriters Association (PSA) Forum ngayong Martes.
Magiging panauhin si Philippine National Volleyball Federation (PNVF) President Ramon ‘Tats’ Suzara upang talakayin ang Champions League (CL) na gaganapin sa susunod na buwan.
Ang ikalawang CL sa ilalim ng PNVF ay nakatakda sa November 5-12 sa Philsports Arena sa Pasig City kung saan lalahok ang 16 local government unit (LGU) based teams – walong lalaki at walong babae.
Sa PNVF CL 2021 Champions League sa Lipa City ay nakopo ng team Dasma Monarchs at F2 Logistics ang men’s at women’s titles, ayon sa pagkakasunod.
Ang session ng weekly Forum na itinataguyod ng San Miguel Corporation (SMC), MILO, Philippine Sports Commission, Philippine Olympic Committee, Amelie Hotel Manila, at ng Philippine Amusement and Gaming Corporation (PAGCOR) ay magsisimula sa alas-10:30 ng umaga.
Inaanyayahan ni PSA President Rey Lachica ng Tempo ang sports enthusiasts sa forum na naka-livestream via PSA Facebook page fb.com/PhilippineSportswritersAssociation at mapakikinggan sa delayed basis sa Radyo Pilipinas 2, na isini-share din ito sa kanilang official Facebook page.
Related posts:
NAT’L VOLLEYBALL TEAM BUBBLE TRAINING AARANGKADA NA
PSC, PNVF NAGKASUNDO SA GRASSROOTS VOLLEYBALL PROGRAM
PNVF UNDER-18 CHAMPIONSHIPS FOR BOYS AND GIRLS ITINAKDA
PNVF U18 championships sa RMC
MARYHILL COLLEGE 2-0 SA U-18 TOURNEY
(BVR Dumaguete leg) BARBON-ESLAPOR DUO WALANG DUNGIS
KORONA NABAWI NG JUNIOR LADY SPIKERS
NCAA volleyball JRU BINOMBA ANG SSC