PINAYUHAN ni Senador Panfilo Lacson si Vice President Leni Robredo na huwag nang ilabas ang mga impormasyon na nakuha bilang dating Co-Chairperson ng Inter-Agency Committee on Anti-Illegal Drugs (ICAD) kung makakasira lamang sa war on drugs.
Ito ang naging reaksiyon ng senador sa tanong ng mga mamamahayag kung dapat bang ilabas ng bise presidente ang mga nakuhang impormasyon sa ICAD.
Gayunpaman, duda ang ilan na kaya sinibak si Robredo ay posibleng may nakuhang impormasyon ang dating ICAD Co-Chairperson na mag-dadawit sa administrasyon.
Ayon kay Lacson, kung hindi makakatulong sa war on drugs ang sensitibong impormasyon kung mayroon mang nakuha si Robredo ay mas makabubuti na huwag na lamang ito ilabas.
Paliwanag ng senador, kapalit ng makakasuhan ang ibang indibiduwal ay malalagay naman sa alanganin ang kampanya laban sa ilegal na droga kaya mas makabubuti na huwag na lang ilabas ito sa publiko.
Subalit kung ang impormasyon, ani Lacson ay makakatulong sa kampanya laban sa droga ay walang masama kung ilabas ito ng pangalawang pangulo. VICKY CERVALES
Related posts:
LACSON CAMP KAY ROBREDO: IDEKLARA SA PUBLIKO NA WALA KANG KAUGNAYAN SA KOMUNISTA
MAYOR MAGALONG SOLID NA LACSON-SOTTO
LACSON ‘KINAIN NANG BUHAY’ MGA KALABAN SA DEBATE
ROBREDO IBINASURA NG THINKING CLASS (ABC); MARCOS TUMAAS—LAYLO SURVEY
KAMPANYA NI LENI NAUWI SA PAMEMEKE NG MGA SURVEY – GADON
(Dating mga kasamahan sa PNP, PMA nagpakita ng suporta) KAMPANYA NI PING INAYUDAHAN
CATANDUANES MASUSUNGKIT NI PING
(Uunahin ni Ping) P652 NA UMENTO SA TRABAHANTE