MISMONG si Department of Budget and Management (DBM) Secretary Amenah Pangandaman ang nagsabing wala nang magiging “for later release” o FLR sa ilalim ng P5.268 trillion na pambansang budget para sa susunod na taon.
Ito ang ipinabatid ni Speaker Martin G. Romualdez matapos ang ginawang ratipikasyon ng Kamara sa 2023 General Appropriations Bill (GAB) kamakalawa ng hapon.
Ayon sa lider ng Kamara, magandang hakbang ito ng Malakanyang na magtitiyak na ang bawat programa o proyekto na nakapaloob sa 2023 national budget ay hindi maaantala ang pagpapatupad dahil may kaukulang pondo na mailalaan.
Matatandaan na sa ilalim ng 2021 at 2022 national budget, ilang proyekto ang nabimbin matapos na maipasailalim sa “FLR” ng DBM.
Paliwanag ng ahensiya, kinailangan nilang gawin ito para sa mas maayos na budget programming at management lalo’t nakararanas ang bansa ng pandemiya.
Bunsod ng pahayag na ito ng kalihim ng DBM, maraming kongresista ang nagalak dahil hindi na umano matetengga ang kanila-kanilang isinusulong na proyekto.
ROMER R. BUTUYAN
Related posts:
(Ihahain na sa Kamara)PANUKALANG P5.268-T 2023 NAT’L BUDGET
PANUKALANG BUDGET NG HUDIKATURA PARA SA SUSUNOD NA TAON SUPORTADO NG SENADO
SABLAY NA AIR TRAFFIC SYSTEM ‘DI NA DAPAT MAULIT; CAAP DAPAT SUMAILALIM SA MODERNISASYON
(Inilaan ng DBM)BUDGET SA REPAIR NG 8 AIRPORTS
HIRIT NA DAGDAG NA AGRI POST-HARVEST FACILITIES SINUPORTAHAN
(Publiko hinimok)MAKILAHOK SA BUDGET PREPARATIONS
(Inilaan ng gobyerno)P4-B PARA SA FUEL SUBSIDY NG DRIVERS, FARMERS
2024 BUDGET APRUB NA SA BICAM