QUEZON CITY – WALONG auto shops ang nasunog sa kahabaan ng Commonwealth Avenue, Barangay Holy Spirit, Quezon City kahapon ng madaling-araw.
Sa ulat ng fire marshal ng Quezon City na si Fire Major Joseph del Mundo, nagsimula ang apoy sa isang bike shop hanggang sa kumalat na ito sa mga katabing shop katulad ng vulcanizing shop, battery shop, machine shop, at repair shop ng sasakyan.
Gayunpaman, masuwerte naman na hindi nadamay ang kadikit na residential area nito, ngunit may mga residente pa ring nagsipagtakbuhan palabas ng kanilang mga tahanan dahil sa takot.
Iniimbestigahan pa sa ngayon ang sanhi ng sunog na umakyat sa ikalawang alarma.
Comments are closed.