QUEZON-PATAY ang isang lalaki na matagal nang wanted matapos umanong manlaban at makipagbarilan sa mga pulis na umaaresto sa kanya nang hainan ng warrant of arrest sa pinagtataguang lugar sa may Brgy. Bocboc bayan ng Lopez.
Kinilala ni PMajor Danilo C. Llave Jr., hepe ng pulisya, ang wanted person na si Angelito Capellan, 41-anyos, na may kinahaharap na mga kasong PD 1613(Arson) at RA 9262 sa hukuman.
Base sa report ni PMajor Llave Jr.,dakong alas-4:40 ng hapon ng puntahan nila sa lugar ang suspek upang arestuhin, subalit ng mamataan ang mga pulis ay agad itong bumunot ng kalibre 45 na baril at agad na pinaputukan umano ang mga pulis kung kaya napilitan ang mga pulis na gumanti ng putok na nagresulta ng kamatayan ni Capellan. BONG RIVERA
Comments are closed.